【爆料!】大台一早有限奶令? 陳志雲:六嬸親自落
2017年12月22日07:00

大台早前忽然落「限奶令」,一眾咪神被迫收起性感。不過喺大台做過一段日子嘅陳志雲,為網上電視主持節目時,就大爆「六嬸」方逸華生前都已經落「限奶令」,針對一班港姐佳麗!

原來早喺「六嬸」方逸華掌政年代,佢睇唔過眼港姐泳衣太性感,內部下旨要港姐「限奶」,志雲大師話:「我印象最深係港姐泳衣,方姐當日好投入去傾製作時,佢會問點解啲衫整成咁,使唔使咁細件呀!」

志雲大師仲話,六嬸之後更插手管埋港姐服裝:「後期有段時間啲設計,直情要俾方姐過目,咁佢對呢方面睇法都好前衞嘅。」

睇番六嬸掌權期間,葉翠翠、曹敏莉同徐子珊等港姐,泳衣都非常保守,似乎今次大台「限奶令」,只係延續當年「六嬸」聖旨!

關注我們Facebook專頁
    相關新聞
      更多瀏覽