【搞笑背後】患地中海貧血 C君:唔返嚟輸血會死
2017年12月17日07:00

組合農夫成員陸永同C君,最近拍住上同Do姐鄭裕玲做《Do姐再Shopping》,兩人主持風格搞笑生鬼,吸引唔少觀眾追看。

不過最近C君14歲拍嘅一段宣傳片再次流傳,原來C君出世嗰陣已經患有重型地中海貧血,每個月都要入院輸血,佢話:「人哋個個放學可以去打波,我要返嚟配血,真係幾煩,不過唔辛苦,唔返嚟輸血會死喎,咁梗係返嚟喇!」

C君日前接受周刊訪問時,亦有提到呢個病,佢話因為父母都有地中海貧血病,結果遺傳俾佢,不過佢話就算自己要終生輸血,都唔覺得呢個病好辛苦,至少自己可以做到鍾意做嘅嘢。

另外,提到佢2012年打算同前女友Gloria結婚,點知結婚前夕,女方突然悔婚,佢話要講句公道話,話前女友唔係因為佢有病而嫌棄佢,依家佢就同港台DJ黃天頤拍咗幾年拖,目前未有計劃結婚,但都向緊呢個方向發展。

關注我們Facebook專頁
    相關新聞
      更多瀏覽