他優質但他不心急 5招KO內向男!
2017年12月12日20:00

有啲男仔條件唔差,但天生內向,

用一般異性相處方法,分分鐘十年後,你哋都仲係知己而非戀人。

不過講落又奇,好似愈來愈多內向男,有朋友表示等佢表白都等到變石頭。

如果遇上呢種男生,你又有咩法寶呢?

1. 建立自信,成為佢心中女神

內向男生,多數對自己嘅戀愛運冇咩自信,

明明佢唔差,佢都覺得自己唔會成功。

你要對症下藥,不斷畀自信佢,關心佢。

佢成世仔身邊最欠呢種角色,一定會當你女神咁拜!

2. 嘗試改變佢一種生活習慣

對內向男,基本上咩暗示呀,忽冷忽熱等等,都會全數失效!

你可以做嘅,係默默地,侵入佢生活入面。

最好就係你改變佢一樣微細嘅生活習慣,例如逼佢跑步,逼佢唔可以日日飲凍嘢。

咁樣,佢就會日日諗起你,日日提自己你係幾重要。

3. 增加雙方的Common Friend!

雙拳難敵內向男,就一班朋友轟落去。

有好多嘢你始終係女仔,唔方便講。

但有班朋友就唔同,有時A又咁講,B又咁講,度力就會大。

當個個都叫佢去馬,內向男就會主動一次。

4. 瘋狂Facebook Tag

另類嘅進攻,你Tag佢,你啲朋友又睇到,有時佢啲朋友都睇到。

暗暗撃退敵人,又可以畀人覺得你哋已經一齊咗。

有啲嘢,誤會下就會成真!

5. 如果咁都唔得,我就無計了……你表白吧!

坦白講,如果佢咁都冇表示,而你都幾肯定佢都對你有意思……

咁你進攻啦!由你表白!

呢個時代,女生都可以主動一次,

Timing嘅嘢,一閃即逝!覺得係對的時間對的人,唔好諗。

去馬啦!

Related Articles

關注我們Facebook專頁
    相關新聞
      更多瀏覽