追到手之後變冷淡? 你要明白的3種男人心理!
2017年12月11日16:09

在一段關係中,通常男人追女人既時候都會使出渾身解數,你會覺得佢對你百分之二百地用心,講既做既都是爲左你,於是乎你地電光火石般擦出火花,但好景不長,追到手一段時間,當你愛到難捨難離的時候,佢竟然開始抽離, 亦唔再好似以前咁會分享佢既內心世界,你講既野佢亦好似無以前咁上心。心入面不禁會出現「究竟佢係咪唔再愛我」呢個疑問既你,呢個時候又應該如何應對呢?

1. 男人都是「目標爲本」的生物

唔使咁緊張,佢唔係唔愛你。只不過男人同女人構造唔一樣,係「目標爲本」的生物,天生既男性基因令到佢係以達到目標爲先。追你既時候你係目標,所以爲左得到你,佢可以出盡力去討你歡心,但得到之後你已經唔再係未達成既目標。呢個時候出現其他目標,未必係其他女人,而係工作、生活方面既目標,佢就會轉移左個心去達成其他既目標。

2. 女人一般會採取反擊姿態

而係呢個時候會,女人通常會覺得不被重視,覺得男人無之前咁愛自己,而產生一系列既不安感同埋負能量。你可能講尖酸刻薄既說話佢聽,又可能會疏遠佢或者對佢冷淡,你覺得被冷落所以要絕地反擊,但其實呢一系列舉動都會只令到佢反感,從而令到你地越黎越遠。

3.給予對方時間及空間處理問題

如果覺得男朋友對你冷淡,一哭二鬧三上吊唔係明智既做法。再重申一次,佢唔係唔愛你,而係專注係其他範疇,作爲一個好女友,你應該支持而唔係疏遠,比時間同埋空間佢處理完自己既問題,佢就會覺得同你相處好開心,而想同你一直發展落去。

延伸閱讀:森美專欄:身材 V.S性格?男人才不只愛女人一個部位

延伸閱讀:明明人人都話你哋好襯!拆解「男閨密」不能為「男朋友」的13個真相

Related Articles

關注我們Facebook專頁
    相關新聞
      更多瀏覽