女生如何主動一點而不失矜持
2017年11月24日18:20

古語有云:「女追男,隔重紗」。

但始終身為女人,覺得係要「等人追」。

因為有時主動咗,就會被稱「姣婆」。

加上現今男士有啲都冇咩品,見你追佢,分分鐘話晒畀全世界知,令你顏面掃地!

但呢個世代,太被動又會錯失好多對象,

如何站在不敗之地?

1. 做朋友 做情侶 都需要漂亮借口

唔好以為Wtsapp下佢就唔算主動,

你冇拿拿搵人,係人都知你已經「情陷太深」。

所以記住,「主動」必須連帶一個「原因」。

你點解要搵佢,或者點令佢搵你,呢個中間嘅關係,就係情感伏線。

伏線可以好多,一字記之曰:「伸延性」,

係有限時間,你必須Build up到一個話題/問題,係令你哋可以至少傾幾日!

自然傾多啲,再係中間培養感情。

2. 節日氣氛來助攻

人人都寂寞。

節日會提升孤獨感,

既然係咁,就會想搵個人陪。

主動都講時刻,節日氣氛下少少主動,效益都會加乘。

加上節日下,時間唔多,

對方反應會好明澄,係覺得你唔啱嘅,分分已讀不回,咁你都可以及時抽身而去。

3. 「我哋Friend嚟㗎嘛!」

呢句係大殺傷力武器,亦係擾敵同時保護自己嘅最佳心理戰技。

當你進取咗些少,感覺底牌都畀人睇穿晒嘅時候,你強調一句:「我哋Friend嚟㗎嘛!」

呢句講者可以無心,但聽者一定有意!

佢甚至介意!心諗

「吓……佢咁主動,唔通真係當我Friend?唔係想同我發生一段激烈愛情?」

不斷口頭重提「朋友關係」,令你難以捉摸!佢又唔可以話你「送上門」!

咁之後愈來愈熟,自自然然想變「男女朋友」,就Easy Job啦!

Related Articles

關注我們Facebook專頁
    相關新聞
      更多瀏覽