抽中台慶大獎 華姐冠軍余思霆低胸搶鏡
2017年11月21日20:46

早前TVB 50周年台慶,成個節目好唔好睇就見仁見智,起碼陸永、C君扮Do姐、曾志偉超級爆笑,馬明同阿Bob咀嘴夠晒驚嚇,都算成為網上熱話。此外節見仲有一個焦點,就係有一位身穿紅色低胸長裙的索女,抽中了台慶終極大獎,有一百萬獎金獎品之外,更有30萬免還款信用卡!少留意本地娛樂的朋友可能都會問,呢個索女係邊位?之唔係2017年華姐冠軍余思霆囉!

抽中台慶大獎 華姐冠軍余思霆低胸搶鏡

2017年中華小姐冠軍余思霆,奪冠後加入TVB,今次首度出席大型活動,喺無綫「限奶令」之下身穿紅色低胸長裙示人,谷盡湯碗胸賣大包!其實呢晚騷胸的女星可不少,不過余思霆抽中了台慶終極大獎,令佢喺台上成為焦點(一陣),咁就自然引來注目!似乎都有唔少朋友對佢冇咁印象,咁小編在此同大家重溫一下啦!

余思霆 應屆華姐冠軍

來自紐約的余思霆有着健康膚色及豐滿身材,加上陽光燦爛的笑容,如同一個活潑可愛美國女孩!今年初喺華姐決賽第二環節中,余思霆戴上頭飾、手持火把扮演自由神像,再加上性感低胸裝及甜美笑容,令人難忘!之後又表演難度甚高的花式滾軸溜冰,儀態萬千,最終力壓林宣妤及馮盈盈成為國際中華小姐冠軍!

余思霆旅遊節目晒身材

加入TVB的余思霆近日與陳凱琳、陳芷尤及陳婉衡等人拍攝旅遊節目《玩轉新加坡無限式》,期間大晒一張五位美女的泳衣大合照,陳芷尤導彈身材勁吸睛,不過余思霆、陳婉衡及宋雙佳都唔輸蝕,谷到行晒事業線。最驚喜都係嘉穎嫂陳凱琳,罕有地同樣以三點式現身,不過就巧妙地用飲品遮一遮心口,不至被比下去!

其實除咗晒身材,余思霆首次做外景主持,同時感性地多謝一眾幕後人員及幾位拍檔,其中寫到:「真的覺得自己好幸運有一個這麼美好的開始,但我也知道將來的路會很辛苦。 這趟旅程將會是我這輩子都不會忘記的旅程。」另外又逐一點名多謝陳芷尤、陳婉衡及宋雙佳。

余思霆網上派福利

有好身材就唔怕晒,余思霆不時都會喺社交網站po泳衣照,正呀!

將來應該大把機會見到余思霆~

綜藝節目
綜藝節目

相關文章:

《降魔的》結局預告 胡鴻鈞壯烈犧牲?

女神周六出嫁!陳嘉寶大牌檔婚照夠貼地

台慶女星紅地氈鬥靚 邵珮詩張秀文最噴血

關注我們Facebook專頁
    相關新聞
      更多瀏覽