湯寶如開騷碌爆人情卡
2017年11月17日03:00
校長壓軸登場,與湯記唱得盡興。

【星島日報報道】前晚湯寶如在九展舉行25周年演唱會,她笑言碌盡人情卡,所以嘉賓陣容非常鼎盛,包括譚詠麟、薛家燕、黎小田、陳曉東、黎瑞恩、曹永廉及黃翊等,周慧敏、袁潔瑩則現身睇騷支持。

陳曉東一出場即時炒熱氣氛,跟湯記跳唱一曲《打開天氣》,成功帶動部分觀眾起立共舞。隨後,東東獨唱一曲《亂了星座》,並宣布世界巡迴演唱會即將展開,明年2月9日於澳門威尼斯人舉行第一站。

譚校長壓軸出場,即掀起另一高潮,他與湯記合唱《暴風女神》及《愛情陷阱》,令全場high爆。當唱到最後一曲《感冒》時,湯記感觸表示:「真係唔捨得,希望你哋會一直掛住我,我就算唔開騷都會出歌,會繼續追求音樂夢想,唱多啲好歌畀大家聽!」

接受訪問時,湯記透露到場嘉賓都是受邀時一口答應的,因此非常感激各位,但遺憾張學友未能出席,因他正在巡迴演出,不過相信必定再有合作機會。談到是否入紙紅館開騷?湯記坦言要儲多一點歌再考慮,她笑言:「紅館係件好Heavy嘅事,如果開我諗係2019、2020年嘅事,等我儲多啲曝光率同歌先夠膽。」此外,湯記囝囝因病未有到場,但騷前都有到場支持。

關注我們Facebook專頁
    相關新聞
      更多瀏覽