【暖男系列】金鐘國爆無請過食飯 光洙:我無機會呀!
2017年11月09日07:00

金鐘國同李光洙因為《Running Man》而認識,仲做咗近八年好兄弟,呢日金鐘國同另一《RM》成員HaHa嘅網上節目《Big Picture》,就搵咗光洙任「真實觀察攝影機」環節嘅嘉賓!

HAHA大讚李光洙人品非常好,仲曾經為咗病童捐贈咗成億韓幣,不過金鐘國突然話:「咁點解你從未請我哋食過飯?我哋係認識咗八年嘅好兄弟啊!」

李光洙面對金鐘國嘅「突擊」,佢忍著笑話的確冇,事關佢話:「八年嚟金鐘國從來冇讓我請過客,我根本就冇機會拎錢包啊!」咁聽落似係金鐘國曲線讚自己喎!

另外,《RM》另一成員宋智孝就去到越南,出席韓流博覽會開幕儀式,仲同ikon一齊擔任博覽會嘅宣傳大使,完咗活動之後,就同一班工作人員去食米線!

關注我們Facebook專頁
    相關新聞
      更多瀏覽