獲網友封為「性博士」!貼地港姐馮盈盈《後生仔傾吓偈》夠放
2017年10月30日18:30

2016年香港小姐冠軍馮盈盈,在TVB有不少演出機會,而她有份主持的《後生仔傾吓偈》,更令她人氣急升,事關馮盈盈不時在節目中語出驚人,既是「爆料王」又是「金句王」,同時她不被港姐形象框住,無論黃色笑話、身材、秘聞等踩界話題都不會避嫌,夠放又夠真,就算被封為「性博士」,她都笑住接受,夠貼地的個性,受後生仔、網民所認同。

1.「原來係處…」

馮盈盈同十優港姐麥明詩以及6號主持的《後生仔傾吓偈》,內容主要邀請90後KOL上節目吹水,討論一下議題。開播第一集, 一向夠真夠放的馮盈盈就黎料,當聽到嘉賓Danny冇拍過拖之後,就情不自禁講咗句:「原來係處…」,聽到嘉賓嘩嘩聲,搞到Danny好尷尬,6號即刻兜返:「佢係將感情處理得好好啫!」

馮盈盈事後講返,自己都係想搞氣氛,這些話題大學生O camp都會講,不是甚麼露骨事情,希望大家年輕人無隔膜,開開心心吹下水。

2.「捽碟要用力啲捽喇」

馮盈盈大爆「捽碟要用力啲捽喇」,加埋聲效「用力啲啦、用力啲啦」,話中有話,聽到人紅都面哂。

後來有網民指:「捽碟是DJ播黑膠唱碟音樂嘅一種特別技巧,當唱機播緊碟時,強行用手指捽隻碟,令到唱機播嘅聲有唔同。」於是,「捽碟」又暗指「女性自慰」。雖然唔知馮盈盈係咪咁嘅意思,但一定有味囉!

3.「0和1」和諧合體

馮盈盈大講有味「零的啟示」,她想說不要覺得自己是零,就毫無用處,因為當零與上一,就會和諧結合,達致完美,將男女「0和1」合體講得頭頭是道。正當講到投入之際,她甚至以身體動作和手勢將零同一、女及男的暗示做埋出黎,等大家了解其意思,笑到在場嘉賓死。

4. 可以研究「蛋白質」

有記者問馮盈盈咁放,可會接受更大膽專講性的節目?馮盈盈就表示,如公司有的話就會挑戰,「肯乜都試」。拍檔麥明詩提議說:「可以談情說性,我負責談感情,盈盈負責講性!」盈盈接著說:「冇所謂,可以研究啲『蛋白質』啦!」嘩,又惹人遐想!

對於憑《後生仔傾下偈》中的大膽言論獲網友封為「性博士」,馮盈盈就大愛這個博士銜頭,更笑言要進修做「Dr.XXX」,果真零底線。

5.初戀男友=契細佬

除了性,馮盈盈也會分享自己的感情事,樂於做自爆王。「一開始我個初戀男朋友,我係認佢做契細佬,佢細我一個月左右。一開頭大家開始了解,之後做朋友,咁我就話不如你做我細佬喇,我啲朋友就話我多咗個『契弟』。之後我哋就開始相戀喇,非常之經典嘅橋段。」引起不少80、90後的共鳴,讀書時都喜歡「認親認戚」,不希望咁快表白破壞曖昧關係。

6.「我天天P圖」

最令人欣賞馮盈盈的是,除了性、感情事,她更會自嘲自己素顏、容貌。她回顧選港姐歲月:「因為我想保持最佳狀態,搭的士時敷著面膜,剛除下面膜全面聚集了精華、最閃亮潤澤時,一打開門就被拍個不停,張相仲要被寫成油到反光,其實嗰D係精華嚟架囉!」好搞笑!

她更承認:「我天天P圖。有時可能生左粒暗瘡,化妝遮蓋不了的臉部瑕疵,唯有出電子科技去矯正。」馮盈盈的真我個性,絕對是娛樂圈的清泉。

延伸閱讀:突破盲點! 曖昧期4個被出局的證據

延伸閱讀:專家答你:8個你一直享受唔到「天堂級」的高潮秘密

Related Articles

出道前後兩個樣?盤點明星們不堪回首的那些年.......

十大最具話題性港姐冠軍

髮色的重要性!港姐冠軍馮盈盈的MK時代

關注我們Facebook專頁
    相關新聞
      更多瀏覽