藐爆李佳芯 胡定欣撐宣萱攞視后
2017年10月27日16:29

被喻為是台慶頒奬禮前哨戰的新加坡《星和無綫電視大奬 》,賽前一直係視后大熱的胡定欣最後輸畀《踩過界》中只係做女二的李佳芯 (Ali),唔單止網民鬧爆,大熱倒灶的胡定欣都藐爆未夠班的Ali。定欣自知已經攞咗兩屆視后,今次在《萬千星輝頒奬禮》贏面不大,故寧願棄奬都搵齊班胡説八道會好姊妹到時投票,撐同樣係大熱的宣萱做視后!

李佳芯爆冷贏視后

《星和無綫電視大獎》中,李佳芯 (Ali)撼低胡定欣田蕊妮等前輩奪視后,令人大跌眼鏡,連佢上到台都忍唔住問句「點解嘅」,話以為搞錯咗,真係幾諷刺!最後要頒奬嘉賓陳展鵬黎耀祥幫口打圓場。

《踩過界》成大贏家,Ali亦因此封后,與攞視帝的王浩信及劇中演員張振朗丶蔡思貝等在後台High爆合照。

攞完獎返香港的Ali,雖然有大班fans到機場接機,但接受訪問時就再次承認自己得奬爆冷。:「爆呀!我們都冷親自己!真係冇諗過,因為一路對自己的評分都好低!」定欣叫姊妹撐宣萱

今次盛裝出席的大熱胡定欣,更加認為Ali未夠班,輸得唔服氣!據知定欣一路睇好返TVB拍咗兩部劇的宣萱,覺得對方演技夠出色,兩個角色都入晒屋,完全冇諗過會係Ali攞視后,講資歷,佢班好姊妹黃智雯同姚子羚都未攞到。據知佢已經同班好姊妹講好,嚟緊台慶頒奬禮唔使投票畀佢,反而叫佢哋投畀宣萱。呢啲咪識英雄重英雄囉!

胡定欣同宣萱10年曾合作《刑警》,兩人因此結緣,早前更約埋三哥苗僑偉及黃日華等一齊敘舊。宣萱回巢人氣高企

10年拍罷《飛虎》,宣萱離開無綫五年,直至去年先被無綫助理總經理杜之克邀請回巢拍劇救收視,兩部劇《不懂撒嬌的女人》和《使徒行者2》都叫好叫座,尤其《不懂撒嬌》Mall姐真係好多人鍾意!有演技又受歡迎,大有機會問鼎今屆台慶視后!

《不懂撒嬌的女人》劇照宣萱:定欣攞我都開心!

早在1999年攞過封后的宣萱,對於今年再次成為視后大熱,佢表示以平常心對待:「有獎就開心,冇就繼續拍一些自己喜歡嘅劇集,拍劇唔係為攞奬,過程享受同開心最重要,攞獎唔代表最好,只係鼓勵性質,其實我最喜歡鮑姐,定欣都很好,所以邊個攞都無所謂,一樣開心!」

全文完

相關文章:

蕭正楠等做老竇 36歲翠如減產趕生狗仔

陳榮峻 吳香倫 綠葉黃昏戀開花結果

金牌經理人陳自強:只跌過一次眼鏡

關注我們Facebook專頁
    相關新聞
      更多瀏覽