【西環小店出品:千層蛋糕】
2017年10月26日19:48

有新加坡特色嘅斑蘭椰子!

Lady M近年係香港掀起咗千層蛋糕熱潮,最近西營盤呢間小店新開張,主打唔同口味嘅千層蛋糕,包括六款固定口味同一款每月限定,全部都係人手製作,數量有限要買就預先order啦!佢哋出品嘅千層蛋糕同咗足足16層Crepe餅皮組成,食落會比坊間嘅口感層次仲豐富。#玫瑰荔枝千層 就係其中一款極受歡迎嘅蛋糕!第一啖你會感受到淡淡玫瑰清香,再慢慢帶出荔枝香甜後味。唔講唔知,其實當中我用咗一種秘密食材,就係來自新加坡、超過80年歷史品牌嘅玫瑰糖漿。佢地只會選取全球栽種得最好同最盛放嘅玫瑰花,再用精煉方法令高濃度玫瑰精華得以採集同提取,唔好錯過!

▲玫瑰荔枝千層蛋糕($58)玫瑰荔枝千層係少女最愛既粉紅色,面有層忌廉唧成花。聞落玫瑰陣陣幽香,加上微甜荔枝同少少果肉,感覺非常清新!

▲斑蘭椰子千層蛋糕($58)斑蘭同椰子都係新加坡特色,同時聞到班蘭清香,又亦食到椰子香甜。薄薄班戟皮足足有十六層,忌廉厚度平均,實在盡顯功架!

▲港式奶茶千層蛋糕($58)呢個10月限定嘅港式奶茶限定係港人最愛啦!柔滑忌廉加上紅茶香味,非常搭調!

▲黑朱古力千層蛋糕($58) 黑朱古力千層擁有極濃朱古力口感,忌廉都打入左朱古力,食落令人非常幸福!

Shaz Confections

地址:西環西營盤第一街21號地舖

電話:55965956

時間:07:30 18:30

文字來源:香港人.遊香港 / 圖片來源:Shaz Confections

相關文章:

【超濃郁抹茶紫米抹茶蛋糕】

【千層蛋糕沙田都有得食!】

關注我們Facebook專頁
    相關新聞
      更多瀏覽