[OMG] 等咗2年終於等到喇!Super Junior 11月正式COME BACK
2017年10月24日21:00
0
0

等了又等!等咗兩年,二代男團大前輩SuperJunior終於都要回歸啦(哭)兩年前推出完出道10周年特別紀念專輯後,因為成員們相繼入伍,團體活動亦同時暫停。至到今年,因成員銀赫、東海、始源終於退伍,連同現有成員利特、希澈、藝聲、神童,以7人組形式回歸!(E.L.F : 等咗好耐啦!)

今次回歸日期仲特別揀咗係11月6日,正正就係SJ出道12週年紀念日,令今次回歸更具意義!為咗與E.L.F(SJ歌迷名稱)每日都可以見到佢哋,更製作綜藝節目《SJ returns》 ,紀錄回歸前120天(D-120)開始進行的錄音花絮、練習室以及MV拍攝等實錄,韓國時間每週一至週五上午11點播出,而且一日仲會播放兩集,相信呢段時間一定係E.L.F最幸福嘅日子,因為每日都可以見到OPPA們!

星期一至五都可以見到OPPA,感覺太幸福啦!今日剛好係倒數13日❤️

SJ成員聚埋一齊就會好嘈,連希澈都話收音師聽到耳仔流血(笑)

由揀主打歌、錄音、練習室以及MV拍攝都全收錄《SJ returns》!

上個星期,SJ Label(SJ獨立工作室名稱)公布SJ第八張正規專輯團體照,並且公布第八張正規專輯定名為《PLAY》,兩種不同風格的回歸照完美展示出SJ不同的魅力!西裝配以黑白照,與Sorry Sorry時期的他們相比,不但褪去了稚氣換上成熟男人味;相反,另外一張換上充滿秋意的毛衣look,搖身一變就成為暖男Feel!你又鐘意邊款多啲呢?

全員退伍後,男人味立即UP UP!

雖然今次回歸只有7位成員,而且困難重重,希望將來都會變得順利(哭)作為E.L.F(SJ歌迷名稱)的你一定要支持今次回歸啊,讓 OPPA 以後只走花路吧!

這篇文章 [OMG] 等咗2年終於等到喇!Super Junior 11月正式COME BACK 最早出現於 GIRLTALK 有班女仔

關注我們Facebook專頁
    相關新聞
      更多瀏覽