【究竟咩事?】官恩娜自覺唔稱職 仲因為咁喊咗幾次
2017年10月22日07:00

官恩娜(Ella)同混血醫生Juan結婚之後,生咗兩歲囝囝Garbriel,依家仲陀緊B5個幾月,不過佢就話自己有樣嘢唔合格,亦因為咁喊過好幾次!

Ella喺IG話,雖然自問照顧老公同個仔照顧得好好,但喺煮嘢方面,佢始終搞唔掂:「自問對老公同個仔照顧都算無微不至!但係有一樣嘢我無論幾努力,都好似永遠做唔好…就是為家人準備一頓豐富好味營養好嘅晚餐。」

Ella仲為呢樣嘢喊過幾次:「我為呢件事都喊過幾次…大住個肚去參加家庭傭工烹飪都係想煮餐好嘅俾老公仔同個仔食!但係我就係冇辦法搞得掂!不過終於搵我嘅救星。」

所謂救星,其實佢唔係參加咗啲咩烹飪班,而係介紹一個網購現成食品,可能做過地獄廚神嘅佢,始終有陰影,唔敢落廚!

關注我們Facebook專頁
    相關新聞
      更多瀏覽