遲到大王災難!WhatsApp正式推出實時位置功能 去咗邊冇得呃
2017年10月19日10:30

「喂,我轉個彎就到喇」「我喺附近行緊過嚟啦」,成世人流流長,身邊總會有幾個遲到大王。而每次問這位遲到的朋友去到邊,大家總會聽到以上「遲到大王」的標準答案。不過這類遲到大王的災難出現了,因為《WhatsApp》正式公布推出Share live location功能。以後遲到大王去到邊行到邊,絕對無得呃!

text- Homan Photo- whatsapp

WhatsApp Live Location 去到邊track到邊

其實《WhatsApp》一直都有share location的功能,但當中的location是一次性的,並沒有實時追蹤功能。而且用家亦可以自由選擇location分享,直接點說就是用家可以講大話!若然遲到大王share location給你話自己「轉個彎就到」,你根本無辦法證實真偽。而現在推出的所謂live location,就是可以分享實時位置。用家可以透過live location功能向其他WhatsApp用家分享自己的實時位置,用家實時行到邊去到邊一目了然。

WhatsApp
WhatsApp

用家可以選擇跟誰分享及分享時間長短,實時追蹤 1 分鐘、15分鐘、1個鐘甚至永久分享都可以,當然用家亦可以隨時停止分享。Whatsapp群組都用到

Live location的用法其實非常簡單,跟之前的share location方法一樣,只要點按WhatsApp中attach按鈕(iOS=加號標示;Android=萬字夾標示),再點選新增的「Share Live Location」選項,用家再設定分享時間傳送出去就可以。而這功能除了可以單對單使用外,更可以在群組對話中使用,如飯聚有幾個朋友遲到,大家可以在同一地圖中看到幾個朋友的實時位置,去到邊無得呃!

WhatsApp
WhatsApp

若群組內有多人分享位置,幾位用家的實時位置會在同一地圖內出現!進一步侵犯私隱?

WhatsApp為了令功能更豐富更全面,一直都加入不同新功能。但一些功能則被人認為是侵犯私隱,當中「藍剔」及「最後上線時間」兩功能最備受爭議而且更狠狠傷透「兵仔」的心,「點解女神睇完我whatsapp唔覆我呀!!!」,「已讀不回」一詞更可說是由此誕生!

而今次推出的live location相信亦會引起大家一番爭論,連去到邊行到邊都被監控,相信對於很多人而言都是不能接受。而對於「遲到大王」或一些缺乏信任的情侶而言更可能是大災難。大家幻想下,男人都鍾意玩波,不時都會偷偷約friend落街打波,若然玩玩下波女友突然叫你share location俾佢睇,點算先?如何不share location而全身而退?

其實無論對於男生或女生而言,以上情況都會是一個煩惱。WhatsApp公布Live Location功能會在未來數星期內於Android及iOS平台推出,各位以後誠誠實實,醒醒定定喇!

新功能可以杜絕大話精,但又似乎進一步入侵個人私隱,你又支唔支持這個新功能呢?

相機真係愈貴愈好?消委會11款可換鏡頭相機比併

>>> LIKE我們fb

關注我們Facebook專頁
    相關新聞
      更多瀏覽