翠如BB mola mola 被踢爆8月已同蕭正楠秘密結婚
2017年10月18日19:05

黃翠如與蕭正楠這對金童玉女屢傳婚訊,早前有傳,蕭正楠計劃8月與翠如先在外地註冊結婚,明年再補擺酒。再努力生B,近日二人老友曹永廉在微博爆響口,表示二人已經完婚。恭喜恭喜!

text-Cherie, 東方新地 edit-Cherie photo-黃翠如IG 、蕭正楠IG 、東方新地,微博

兄弟踢爆 黃翠如與蕭正楠秘密完婚

黃翠如與蕭正楠這一對不時傳婚訊,雖然二人都否認,但近日他們二人的好友曹永廉突然在網上轉發蕭正楠的微博,還了一句『結咗婚係唔同D』間接公開他們二人秘密完婚一事。

而黃翠如與蕭正楠截稿前都沒有否認。

黃翠如與蕭正楠
黃翠如與蕭正楠

蕭正楠與黃翠如 分隔一個月

二人近日忙於工作,早前翠如出席活動時翠如表示已經有一個多月沒有和蕭正楠見面。看來投訴其實只是煙幕。二人還是不停在網上放閃。翠如也經常以女友視角幫蕭正楠影相。

黃翠如與蕭正楠
黃翠如與蕭正楠

黃翠如與蕭正楠
黃翠如與蕭正楠

早前蕭正楠與黃翠如一同到澳洲工作,翠如邊工作邊拍拖,最幸福的事莫過於此。

最搞笑的是,曹永廉一早就把他們視為一體,早前post出蕭正楠的照片也是tag 黃翠如。

結婚早有傳聞 黃翠如與蕭正楠 浪漫時刻回顧

黃翠如與蕭正楠
黃翠如與蕭正楠

黃翠如有樣有家底性格又好,蕭正楠執到寶當然想長揸,不過翠如BB事業心重,一直唔想收山做人妻。已經35歲的翠如BB與蕭正楠都鍾意小朋友,唔想做高齡產婦,二人已有共識先結婚後造人。據知今年初佢哋已經有結婚嘅共識,一齊攞咗8月大假,但後來公司安排佢哋拍《Do姐再Shopping》,所以先打亂咗佢哋嘅計劃。近月蕭正楠拍完《深宮計》,《Do姐再Shopping》嘅拍攝進度又比預期快咗,佢哋8月就可以如期外遊。據悉蕭正楠提議8月喺外地先註冊,出年再補擺酒大搞,已經向公司攞定出年大假,講明到時乜嘢大job都一律唔接,想與蕭正楠環遊世界 ,趁度蜜月努力造人,有望一年完成兩件人生大事。

蕭正楠飛日本畀驚喜

黃翠如與蕭正楠
黃翠如與蕭正楠

月初身在橫店為《深宮計》拍外景的蕭正楠,知道可以提早煞科,即買機票飛去東京會合拍緊《Do姐再Shopping》的翠如BB,蕭公子本來諗住突然出現畀女友一個驚喜,點知畀朋友出賣爆料,翠如仲去機場嚇番佢轉頭!據知二人結婚的消息傳遍整個無綫,知情的Do姐鄭裕玲早前亦漏口風,對於《Do姐再Shopping》打亂二人假期,Do姐講笑話:「叫佢過埋嚟囉!結婚呀?咁我會拍埋佢哋返嚟,到時話畀大家聽,哈哈哈!」

今個月中,蕭正楠在橫掂拍完《深宮計》外景,即飛日本會合黃翠如,二人爭取時間蜜遊東京及北海道。

黃翠如 蕭正楠
黃翠如 蕭正楠

早前蕭正楠與黃翠如一齊現身Big Big Channel節目,鏡頭前後都黐到實,人逢喜事樣都零舍sharp醒。睇吓失戀洪永城,個樣似足冇水洗面,真係好大分別。

黃翠如與蕭正楠
黃翠如與蕭正楠

黃翠如貴為一線花旦,蕭正楠穩步上揚亦唔弱,無綫近年亦開綠燈畀佢哋以情侶檔搵錢,婚後更可名正言順夫妻檔酬勞幾級跳。

黃翠如 蕭正楠
黃翠如 蕭正楠

黃翠如 蕭正楠
黃翠如 蕭正楠

翠如BB接男友返家

翠如BB與家人同住大埔寶馬山,一屋都係女人,蕭正楠到訪留宿甚不便,為爭取見面時間,二人早已於蕭正楠寓所過同居生活。」早前蕭正楠到尖沙咀出席《深宮計》煞科宴,至晚上11時許散席,佢經貨「車立」由秘道離開,但原來翠如BB一早已在隔籬街等候,見到本刊記者,負責做柴可夫的翠如BB紅都面晒,耷低頭好含蓄,聽到記者話佢幸福有個好女友接收工,蕭正楠冧笑回應:「係呀!係呀!都好夜啦!」睇得出將踏入人生另一階段的蕭正楠與翠如BB都心情靚絕。

黃翠如 蕭正楠
黃翠如 蕭正楠

黃翠如熟練地揸車返回蕭正楠的華景山莊寓所,落落大方任影,不過二人紅都面晒。

蕭正楠激讚翠如:一個不能錯失嘅老婆!

蕭正楠談到和翠如計劃結婚及生小朋友,蕭承認:「簡單為主啦!為咗屋企人都要從長計議啲,要plan好啲。我會畀一個好難忘嘅回憶佢,需要時間諗諗。(同翠如鍾唔鍾意小朋友呀?) 鍾意,當然鍾意啦!」當被問到翠如係咪一個不能錯失嘅老婆?蕭正楠冧爆話:「當然啦,佢係一個好女仔。錯失佢嘅男仔,我都唔知可以點形容佢嘅錯。」曬死人咩!

貼地夫婦 黃翠如 蕭正楠 秘密睇樓

除了先結婚後造人,原來 黃翠如 蕭正楠 都想在將軍澳買樓築愛巢,據知去年二人不時低調秘密睇樓盤,目標主攻將軍澳區三房一廳單位,蕭正楠亦承認有睇樓,為的是方便返將軍澳電視城,不過至今仍未睇啱心水樓。而黃翠如亦向傳媒透露希望能儲夠首期買樓:「一直都希望買樓,但喺香港比較困難,之前我有睇過唐樓,我係師奶心態,愈等樓價就愈升。」

慳家翠如 拒靠富爸爸置業

黃翠如小時候家住馬鞍山恆安邨,爸爸黃永華於九龍灣經營魚檔,98年跟伯父、即聯旺集團(8217)主席黃智果做建築和裝修,並出任行政總裁,生活先開始富起來。雖然黃翠如父母喜歡買賣物業,現持有多個住宅及商廈單位,但翠如現時並冇物業,亦唔打算靠屋企畀首期置業,而蕭正楠名下只有現居的華景山莊單位。

黃翠如有個聯旺集團富爸爸,被封百億千金,但佢從來唔會洗腳唔抹腳,用的一分一毫都係自己辛苦工作賺回來,堅決不靠父蔭。翠如近年都係住村屋,架cooper揸咗幾年都唔換,衣食就更加慳,經常着贊助嘅免費衫!

曹永廉自爆做伴郎 唐詩詠做伴娘

身為老友的曹永廉即場爆響口,話蕭正楠有計劃結婚:「其實我都聽過嚟緊呢兩年佢會結婚。(搵咗你做兄弟未?)有講過但我未應承,佢希望我做伴郎,睇吓我到時有冇時間啦!(睇住佢哋開始拍拖,有咩感想?) 佢哋係一對好甜蜜嘅情侶,好錫大家,成日掛住喺口邊,我知道佢哋冇乜鬧交,同埋佢哋好慳,各方面都好配合到,我都想佢快快趣趣結婚,生個小朋友啦!」至於將來會唔會做契爺,阿廉就話要將來先算,因為做契爺好大壓力,自己又未必常常有時間見面同關心對方。而身為翠如閨密的唐詩詠,都走唔甩會做伴娘陪嫁。

看來做伴郎的曹永廉已經完成這個重要任務了!

相關文章:

熊仔頭女角「波波」唔著內衣 同細佬攬住沖涼?!

山系赤裸女孩 最性感Outdoor索模圖集

識打機嘅女仔係正嘅 香港5大靚女實況主

關注我們Facebook專頁
    相關新聞
      更多瀏覽