【吳綺莉自責】郭秀雲話感到羞恥 卓林反擊:愛就係愛
2017年10月08日07:00

卓林日前宣佈「I'm gay」,令佢同母親吳綺莉,再次成為傳媒焦點!

據講,卓林同吳綺莉已經三個月冇見,目前同網紅Andi一齊生活,兩人於北角租住劏房,卓林亦已經輟學。

吳綺莉之前話,事前不知女兒決定出櫃,呢日佢接受周刊訪問提到自已仍然有畀零用個女,但就似乎語帶不滿咁話:「個女有能力照顧三十歲女友,我應該感到慶幸!」仲話呢個係人生經歷之一:「咁諗會開心啲!」

佢又自責自己太縱卓林,搞到佢覺得錢嘅觀念錯晒,佢話卓林之前想轉一間新學校,但校方要求佢用40萬買債券,最後拒絕,但卓林因為咁而嬲咗佢,以為呀媽「少少錢」都唔肯畀!

之旦係郭秀雲就睇唔過眼,喺卓林嘅fb留言,話對佢好失望,亦感到羞恥,仲暗指Andi有違教師專業操守!

郭秀雲覺得性取向唔係重點,而係認為一位教師超越專業操守底線:「如果呢個教師係男性,就會受到外間譴責,但因為佢將自己打造成粉紅兔女郎(pink playboy bunny),大家睇唔到問題所在。」

卓林就回覆,話「郭姨姨」作為成人,唔應該喺網上批評佢:「理解你有自己睇法,但你失望還失望,愛就係愛!」

關注我們Facebook專頁
    相關新聞
      更多瀏覽