【謙謙面前】袁偉豪拒楊怡挨心口:人妻行開,唔好黐咁埋
2017年10月02日16:47

【星島日報報道】楊怡、郭晉安、周麗淇、袁偉豪為拍新劇《再創世紀》周圍飛,最新一站的取景地是歐洲,近日眾人率先歐遊四圍玩等開工,羅仲謙更飛過去與老婆楊怡慶祝結婚一周年,相當Sweet。

昨日一行人去了布拉格玩,坐在餐廳的戶外位置邊睇街景邊醫肚時,楊怡、周麗淇及袁偉豪在社交平台開Live,想與粉絲分享度假的喜悅。當袁偉豪歎住咖啡悠閒地玩直播時,影埋楊怡、周麗淇一頭霧水地舉機開Live,楊怡仲話:「唔識玩吖真係。」原來傻更更的楊怡已開緊Live都唔知,猛話唔識,仲同周麗淇埋首研究手機。

袁偉豪又走過去楊怡身邊,二人在各自的Live出現,又挨近對鏡頭笑,楊怡當住老公面話「好親密吖」,袁偉豪搞笑指「人妻行開,唔好黐咁埋」。另外,袁偉豪又充當攝影師,為楊怡、羅仲謙留倩影,並感言:「從你們結識、相遇,一起工作到現在成為夫婦很為妳們而感到高興,能夠為妳們結婚一周年紀念而記錄你們的喜悅更加感恩,祝你們永遠幸福快樂❤」。

關注我們Facebook專頁
    相關新聞
      更多瀏覽