《踩過界》大結局 李佳芯彩蛋離奇現身
2017年09月18日15:18

無綫劇《踩過界》昨晚終於大結局,「盲俠」王浩信身邊三位雖齊齊遭遇不幸,但佢最後成功將大奸角單立文繩之於法,都算係個圓滿結局!不過劇集監製早透露香港版本同已播完的內地版本有唔同,就係前一集被豹哥推落山崖的李佳芯(Ali),喺最後一幕突然現身,但又無解釋任何嘢,究竟發生咩事?一係留俾觀眾自行想像,一係就… 等續集啦!

《踩過界》大結局

前一集講到Ali飾演的Never為尋找第二把兇槍,跟蹤單立文去到山上,經一番糾纏後被豹哥推落山崖!畫面仲見到Ali係直線凌空飛落海… 睇嚟都九死一生!

癲姐GoGo好悽涼

「盲俠」身邊的朋友都好悽慘,蔡思貝被單立文的手下駕車撞至頭破血流,雙腳斷埋瞓醫院。

張振朗則罪名成立入獄,仲得悉愛人Ali的死訊,即時喊到豬頭咁。

盲俠私刑制裁

身邊三位好友的不幸下場令王浩信性情大變,決定以私刑制裁單立文,捉走對方兒子迫使佢單獨見面。不過豹哥一早識破佢計劃,捉埋行動不便的蔡思貝到場,一個盲一個跛,邊夠佢打?期間豹哥仲大大聲承認自己誤殺女兒Yanice (朱千雪飾),以及將Never推落山。

盲俠癲姐被活埋

一番糾纏後,盲俠身中豹哥一槍倒地,之後同蔡思貝雙雙被活埋,生死未卜!

豹哥殺人直播

正當豹哥以為一切都解決晒,換番套靚西裝去西貢食海鮮,原來盲俠用眼鏡直播晒佢殺人的過程,片段在網上瘋傳。結果張振朗無罪釋放,大奸角鎯鐺入獄!

盲俠前去探望服刑中的豹哥,附送豹哥世界級喊樣!

李佳芯離奇現身

內地版本的《踩過界》中,Ali被豹哥推落山後身亡,四大主角最終未能大團圓結局。不過昨晚香港播出的版本中,出完字幕竟然有彩蛋,Ali突然着到靚一靚咁現身,而另外三人似乎都唔係特別驚訝,四人全程冇講任何嘢,之後就好有型咁一字排開咁行… 完。唔通係大團圓結局,四人準備去BBQ?

全文完

相關文章:

英皇電競(EES)正式成立!前世界冠軍選手Toyz強勢加盟!

為愛同閨蜜JW反面 G.E.M. 開騷前拖仔喪食

NIKE網店秋季開倉 折上折掃高質白波鞋

關注我們Facebook專頁
    相關新聞
      更多瀏覽