釣中億萬千金 袁偉豪為張寶兒禁慾
2017年09月14日14:46

今年五月,袁偉豪赴非洲拍攝無綫節目《打工捱世界II》,鏡頭前就捱世界,鏡頭後就執到寶。當時與舊愛岑杏賢分手只半年的袁偉豪,與同行的25歲前港姐張寶兒暗生情愫,二人一拍即合。袁偉豪拍拖後才知悉女友來自大富之家,其父坐擁最少3億物業。女友唔止係億萬千金,仲係守身如玉的虔誠基督徒。難得遇上窈窕淑女,袁偉豪要君子禁慾,忍得是福!

36歲袁偉豪與25歲張寶兒情定於非洲坦桑尼亞,拍外景日對夜對早已互有好感,對住性格爽朗平易近人、又懂得欣賞自己的張寶兒,袁偉豪立即把舊愛拋諸腦後!

因為舊愛與現任都是港姐出身,袁偉豪 被封「港姐殺手」,其實去年張寶兒參選 港姐,袁偉豪有份擔任評判,之後在多 個場合遇見, 不過未有深入彼此認 識,直至拍攝《打工捱世界I I》一拍即 合,早前為節目做宣傳時,二人已有身 體接觸。

張寶兒拍攝《打工捱世界Ⅱ》時和袁偉豪日對夜對火速撻著,而且愛得癡纏。早前張寶兒在社交網站上載與男友於坦桑尼亞時的合照,並冧爆留言:「每次翻開相簿都很想念非洲大草原的日子。」

在坦桑尼亞拍節目時,張寶兒不時叫袁偉豪與楊明兩個大男人一齊跳低能舞,玩得咁開心難怪出事。

在非洲拍攝期間周圍都係黑人,身穿火紅比堅尼的張寶兒唔止吸睛,仲深深吸住袁偉豪個心。血氣方剛要學忍

袁偉豪回復單身半年就遇到Bowie,喺非洲日對夜對,據知男方自覺同Bowie好啱channel,大家對愛情嘅睇法好一致,嗰時佢只係知Bowie喺外國讀完書返嚟,完全唔知佢係富家女。後來畀傳媒踢爆戀情起埋底,先知佢爸爸來頭咁勁。不過Bowie係虔誠基督徒,婚前要守貞,袁偉豪唔係信徒又血氣方剛,為咗長遠發展,看來袁偉豪點都要忍吓!

手握門匙上樓

事實上袁偉豪和Bowie各有各忙,拍拖時間少之又少,早前袁偉豪仍未返港,張寶兒駕駛其四驅車前往男友位於清水灣半島的寓所,上樓後逗留唔夠半個鐘就返回自己位於將軍澳的寓所。其後Bowie透過電話回應,表示因男友不在港,佢會上門為對方收信、執屋與撻車等。呢個女友真抵諗!

女家接受戀情

熱戀初期當然想日見夜見,拍拖五個月來,由地下情到浮面,袁偉豪與張寶兒都抱住順其自然的心態,當初被踢爆戀情後男方竟一口承認,反而女方只保守回答「仍在了解中!」到現在連男友家鎖匙都穩握手中,張寶兒可以正式被封「新豪嫂」,二人感情如坐火箭發展迅速。

張寶兒:佢亦令我好放心

拍拖唔夠半年,袁偉豪與張寶兒雖然打得火熱,但二人未有同居想法。本刊記者問張寶兒同袁偉豪拍咗拖5個月,係一個點樣嘅男友?她說:「佢好錫我,好細心有責任心,我好信佢,佢亦令我好放心。我哋都做呢行,信任好重要。(你係基督徒,係咪堅守拒絕婚前性行為呢項戒條?)我覺得信仰係好個人嘅嘢,基督係我嘅神,我有自己底線,清楚自己做緊咩,亦會為自己所做嘅嘢負責任,唔會亂嚟。(帶咗男友返屋企見家長未?)未呀!等有機會先。」問到會否考慮與男友同居, 佢笑言:「我哋已經住得好近啦!」

問男友係唔係Mr.Right?張寶兒說:「每段關係我都好想長久發展,不過將來嘅嘢冇人知,都係做好依家先。」

自小與家人感情要好的張寶兒,與袁偉豪拍拖收得好密,就連最親的妹妹張寶欣及父母都不知情。至上月被揭戀情後,參選今屆港姐奪友誼小姐的張寶欣被傳媒追問,自爆睇新聞才知道家姐與袁偉豪撻著,期待家姐帶袁偉豪回家見家長:「家姐好少主動講感情事,我睇報道八卦去問佢,我見到媽咪睇到都笑。(媽咪好滿意袁偉豪?)媽咪都好驚喜,佢對我哋揀對象唔會太嚴謹,一向都唔會干預我哋兩姊妹擇偶,有上進心嘅男仔就OK。」可見張寶兒雖然家境富裕但父母思想開放,一點都不專制。

細妹張寶欣步家姐後塵選港姐,同樣獲得「友誼小姐」,近日見她放工都由公司車載返天晉寓所,兩姊妹同住。

全力呵護 望開花結果

難得再拍拖未受公司阻撓,袁偉豪全力以赴保護這段剛萌芽的感情,對於被冠以「港姐殺手」之名,袁偉豪笑指多謝大家睇得起,他說:「『港姐殺手』又好, 『大媽殺手』都好,我覺得都係緣份,自己呢個年紀都想穩定,有時感情事很難講要選擇一個咩人當自己嘅伴侶,我冇乜機會認識到外界嘅朋友,見得最多的都係同行,多番考慮之下亦覺得應該坦誠啲去面對。」佢更直言喜歡女友是個好甜和好好心地的女仔。

自參選港姐後加入無綫,張寶兒即進駐天晉過千萬的單位,駕車去男友家只要4分鐘車程,跑步都係10分鐘左右,住得近方便見面。

36歲的袁偉豪近年已坐穩一線,劇接劇又拍旅遊節目人氣高企,其形象亦由以前的花弗男變成暖男,今次遇上細11年的張寶兒,對方清純有活力,心動都好正常,若然繼續甜蜜發展下去,開花結果亦唔奇。張寶兒家族經營成衣生意,在國內設有廠房與辦公室,身為長女的她遲早要繼承父業,袁偉豪亦可以諗諗做個乘龍快婿,轉行從商都唔錯。

娶老婆會發達

真愛誠可貴,若果真愛仲要係身家豐厚嘅太子女,當然就更完美!起碼婚後不憂吃又不憂喝,打拼起事業上嚟無後顧之憂已經係最大優勢!好似以下幾男星就係好例子:

吳家樂

吳家樂爸爸有「紅磡廠廈王」之稱,身家過億唔小嘢。不過同其士 集團太子女太太周蕙蕙的家族五十億身家相比,當然仲有一段距離。黎諾懿
老婆李潔瑩07年參加港姐落選後即回歸打理市值五億家族生意,管理18 間旗下纖體美容中心。重點係老婆夠旺夫,婚後尤其係做咗老竇後,黎諾懿事業亦順風順水。蕭正楠
雖然仲未娶過門,不過蕭正楠同翠如BB感情穩定,而翠如爸爸由劏魚、做地盤白手興家做到變上市公司主席,股價最高峰期,翠如BB 一度係82億千金,娶得過㗎!林文龍
小生配花旦本來門當戶對,不過郭可盈家族經營塑膠同家品生意,資產同物業 市值都億億聲,再加上郭父11年病逝留下大筆遺產,當年林文龍娶郭可盈過門時都畀人話過靠老婆。全文完

相關文章:

認拍AV係吹水 麥紫莉終道歉:希望大家原諒我

為靚成精 李彩華 5.0 十月回歸開騷

港姐爆大冷 Do姐手握兩票定生死 被圍插變箭靶

關注我們Facebook專頁
    相關新聞
      更多瀏覽