【港姐顏值風波】馮盈盈寄語堅持自我 麥明詩:接受我哋放屁
2017年09月06日07:00

今屆香港小姐出爐以來討論不絕,除咗鄭裕玲「關鍵一票」外,冠軍雷莊兒嘅樣貌尤其勾起網民興趣,引發大量相關言論。

有網民於討論區出帖問「近年最靚港姐冠軍係陳凱琳定馮盈盈」,雖然去年馮盈盈當選時被指爆粗同埋好「MK」,但仍然大比數拋離,不少網民表示只談外貌的話馮盈盈實在不錯。

游學修則貼出近期一齊拍戲嘅拍檔陳凱琳,留言「港姐不知幾靚,呢個」。

而馮盈盈則發表卸任感言,當中提到「每個人對美都有唔同嘅定義」又寄語新一屆香港小姐「只有學懂欣賞同忠於自己, 先可以流露出最自信自然嘅美,堅持自我, 總會有人欣賞到你的美」。

麥明詩亦回應話好鍾意馮盈盈嘅感言,坦言「好開心見到觀眾開始接受我哋都有正常嘅生活賴床食飯放屁」、「我地都有自己嘅性格同埋想法,更加唔需要被某些人對我地嘅期望而規範自己」。

關注我們Facebook專頁
    相關新聞
      更多瀏覽