觀塘工廈 享中環滋味|細嘗高質 意菜 @Dining娜
2017年09月04日09:00

(Presented by Kowloon East Kitchen)

Photo:二彤

近年 觀塘工廈 區新食店愈開愈多,但質素比較參差,想食有質素嘅西餐都唔容易,更加唔好講意大利菜。直至3年前,意菜餐廳Kowloon East Kitchen進駐觀塘,東九龍人先可以喺區內食到中環嘅高質滋味。來自中環著名餐廳嘅總廚,對烹調、食材選擇同配搭都好執著,單係pasta佢哋就堅持每日新鮮自家製,因為咁先可以親手調校至理想狀態,一食就食到與別不同。

堅持自家製Pasta 調校理想韌度、闊度

Kowloon East Kitchen嘅homemade pasta如闊條麵同意粉每日新鮮即製,總廚咁堅持,因為麵粉親自試過先入貨,麵條嘅韌度、長度、闊度亦親身試過無數次之後,調校至最理想嘅口感同狀態。呢度嘅麵條偏韌、有彈性,有嚼勁之餘,烹調後亦能充分吸收廚師精心炮製嘅醬汁,令味道更豐富。而招牌辣番茄海鮮闊麵嘅醬汁,就集合咗海鮮、鮮番茄、洋蔥等精華,味道鮮甜濃郁。

觀塘工廈
觀塘工廈
辣番茄海鮮闊麵 $98

將鮮墨魚、蝦、蜆肉以鮮番茄醬烹調,再拌入自家製闊條麵炒香,鮮香嘅茄醬滲透至麵條中,滋味滿分。

珍珠帶子焗釀野菌 $88

廚師用細細嘅珍珠帶子,貪佢易入口,仲有菠菜、忌廉、芝士,一齊炒香後放喺大啡菇上,然後烤焗,再灑上意大利黑醋,口感豐富,酸酸地亦有助平衡油膩感。

紅菜頭羊奶芝士沙律 $68

自家醃製嘅紅菜頭味道較酸,但加上Feta Cheese、烤合桃、蔬菜一齊食,口感即刻變得豐富。盡顯 意菜 認真細緻功架

呢度由前菜、主菜、配菜,到甜品、飲品,都令人食得出佢哋嘅誠意同中環高質 意菜 滋味,例如黑松露香蒜薯條,簡直係不惜成本嘅誠意之作,師傅用上大量黑松露,再加生蒜、番茜煮成醬,每條薯條都蘸滿黑松露醬,已經非常濃郁入味;最令人意想不到係,師傅仲配搭一個由燒蒜、蛋黃醬製成嘅醬,將惹味推向頂點,製作一絲不苟!

加拿大穀飼有骨豬扒配烤雜菜 $188、黑松露香蒜薯條 $48

選用有證書嘅加拿大穀飼豬扒,質素有保證,推介烹調至7成熟食用;師傅用咗特別嘅保濕技術,煎焗後肉質仍然軟腍、保存肉汁;配混入芫茜嘅柚子汁一齊食,清新鮮香。

Kowloon East Kitchen嘅甜品,大家亦唔可以錯過,除咗我同班閨蜜,連男士都話要留肚品嘗!豆腐芝士餅配芝麻醬就係中西fusion嘅創作,概念源自中式芝麻糊拼豆腐花嘅「黑白糖水」,當味道較淡嘅豆腐芝士餅,遇上濃如芝麻糊嘅芝麻醬,兩種極夾嘅甜味令人有意外驚喜!

豆腐芝士餅配芝麻醬、秘製糖酥腰果 $65

以滑豆腐同Mascarpone Cheese製成,香滑而且豆味重,配上濃郁嘅芝麻醬,一濃一淡兩種甜味非常夾。

左起:Homemade Tiramisu $65、海鹽忌廉卷 午市套餐加$12(限量供應)

Tiramisu用Mascarpone Cheese、冧酒、忌廉等製成,師傅刻意棄用甜品杯,而可以直接一啖食到蘸滿咖啡嘅手指餅同忌廉,咖啡香同甜味同時充斥舌尖。海鹽忌廉卷的蛋糕已加入少許海鹽,完成後上面再灑上海鹽同朱古力醬,鹹拼甜嘅感覺好特別!透心涼鮮果特飲、中秋新作

炎炎夏日,推介大家點透心涼嘅smoothie、果汁、梳打,一呷暑氣全消,而且佢哋全部用鮮果製成,so refreshing!佢哋嘅特飲會按時令轉款,例如夏天會多用亞熱帶水果,好似菠蘿、椰子等,不同季節可以飲到不同味道。

中秋好快到,大廚透露將會有新搞作,鹹、甜食品會大玩中秋水果食材,除咗柚子,仲有楊桃,非常創新,期待!

左起:菠蘿薄荷梳打 $28/杯、$70/瓶;Tropical Dream Smoothie $42

梳打加入鮮菠蘿汁同薄荷葉製成,酸酸甜甜,非常消暑;Smoothie以鮮芒果、木瓜、乳酪等炮製,清新香甜。

環境舒適開揚,設有梳化、高身bar枱,包場開Party唔錯。Kowloon East Kitchen

地址:觀塘駿業街66號巧運工業大廈5樓C室(顯示地圖)

電話:3468 5383

備註:設加一(星期一至五午市除外),收現金及信用卡。

相關文章:

【 富士山鬼故 】主題公園被詛咒、「人穴」探險有入無出?!

經典 京都烏冬 麵三選@Mandy。京都進行式

【邊間最好食】Top 7 老火湯餃子 !太子餃掂手工現包、鰂魚涌海樂最大隻|記者試食|

關注我們Facebook專頁
    相關新聞
      更多瀏覽