陳國峰當爸剪臍帶超緊張 晒「峰之子」出生照
2017年09月03日14:24
國峰晒完同老婆大肚寫真照後,B仔就出世。

【星島日報報道】「巨聲幫」隊長陳國峰於社交平台貼圖文,宣佈老婆為他誕下兒子。凌晨時份,國峰先貼上同老婆一齊影的大肚寫真照,留言:「留住最美嘅一刻,過去咁多個月真係值得記念,辛苦妳了老婆。母親的偉大希望一切順順利利」;榮升老竇後,國峰就貼上自己同囝囝剛出世個樣,留言:「大家報個平安,感謝大家嘅祝福同關心,托賴母子平安。」除咗Hashtag「#我係陳國峰」,仲有「 #我係陳國峰個仔」。

國峰幫囝囝選擇今日開刀,雖然過程順利,但他的心情就似坐過山坐般緊張,老婆都好緊張,他手心出晒汗入產房剪臍帶。不過B仔仍未改名,但有個「峰之子」花名。除咗一眾好友朱智賢、周志文等及網民留言祝賀外,吳業坤更在臉書貼文:「陳國峰生咗啦」,附加4個大喊表情符號,比隊長還要激動。

國峰去年3月迎娶圈外女友黃思雅,11月補擺喜酒筵開39席,當時他已謂想生仔,會努力造人,並於今年5月拿著BB超聲波照報喜。

關注我們Facebook專頁
    相關新聞
      更多瀏覽