【有怨氣?】坤哥中箭 陳潔玲Say sorry:明明是毒L
2017年09月02日07:00

電影《私人會所》女主角、前無綫小花陳潔玲日前上咗商台節目《公子會》,大爆自己喺娛樂圈入面,見過最「人渣」嘅男人,佢話對方會當自己係一個受傷嘅小白兔,用童年經歷同家事,博同情四圍溝女:「佢會講佢自己受過一次好重嘅情傷唔敢再去愛人,但遇到你就重生嗰啲。好好彩,啲騙徙呃唔到你就會好快去呃第二個。」

雖然陳潔玲未有開名,冇講邊個係「賤男」,但網民聽完之後,唔少人都估係吳業坤,仲話「坤哥」嘅經歷同呢個「賤男」好似!咁坤哥當然話唔係佢喇。

吳業坤無啦啦中箭,陳潔玲似乎知自己搞出大頭佛,呢日係網上,寫咗兩個向吳業坤Say sorry嘅短訊,叫網民揀其中一個,等佢可以向「坤哥」Say sorry。

不過兩個方案都好似,其中一個係:「無啦啦搞着你,明明你賣的從來是實力不是靚仔。咁多位,如果你鬧吳業坤或者鬧我你哋會開心啲,咁繼續鬧啦,close file 。不回應了。祝大家生活愉快。」

另一個就將「你賣的從來是實力不是靚仔」改成「明明是毒L」,依?有怨氣喎!

關注我們Facebook專頁
    相關新聞
      更多瀏覽