台風襲港│地道台式養生 火鍋 湯底、配料 @Dining娜
2017年08月25日23:10

(Presented by 養心殿台式養生鍋)

Photo:二彤

大家都知我Dining娜係一個不折不扣嘅火鍋控,但打得多港式邊爐,都想食得滋補、養生,最近我就試過一間專食台式養生 火鍋 嘅!養心殿著重配搭唔同藥材嘅台式藥饍 火鍋 ,而且專注提供6款健康湯底,養生又養顏,真係少咗好多罪咎感,我班閨蜜都話大愛!

除咗火鍋夠地道,佢哋嘅配料、小食,亦好有台灣風味,唔少食材都來自台灣之外,小食亦跟足台式做法,食落真係幾有寶島風味!養心殿除咗旺角店,剛剛都進駐咗銅鑼灣,港島朋友都可以品嘗正宗台式養生滋味喇!

必食台式養生 火鍋

養心殿主打6款湯底,大部分以滋補養陰藥膳食材為主。其中5款:麻辣鍋、養生鍋、寧神養心鍋、薑母鴨鍋、酸菜白肉鍋,都係源用正宗台灣做法;而另一款美人鍋就係自家首創,師傅將烏雞、桃膠等滋潤食材用老火熬成湯底,養顏精華盡滲其中,絕不燥熱,我哋梗係飲完湯,先再食 火鍋 啦!

美人鍋 $188

原隻烏雞再加入桃膠、杞子、南棗及金華火腿熬製,既足料亦含有豐富膠原蛋白,夠晒滋補,女生大愛!

養生鍋 $188

用多種名貴藥材,如當歸、參鬚、黨參等,再配合鮮雞、火腿、豬肉,慢熬煮成奶白湯底,益氣又滋補。

如果大家無頭緒揀邊款湯底?揀最人氣嘅實無錯!店主陳先生透露,美人鍋同麻辣鍋都係兩大長踞榜首,幾個人食揀呢兩款鴛鴦湯底最好不過!講番麻辣鍋,師傅用咗台式豆瓣醬,再加指天椒、泡椒、辣椒葉油、八角、白豆蔻、草果等13種香料煮成濃湯,足料又正宗,香辣而不麻;配搭湯底中嘅鴨血、凍豆腐等清淡食材一齊食,就能食出辣湯同食材嘅真味。麻辣鍋有大、中、小辣揀,想飲湯的話,可選小至中辣。

麻辣鍋(可選小、中、大辣)$128

以台式豆瓣醬、指天椒、辣椒葉油、白豆蔻及草果等13種香料煮成,同淡味嘅鴨血和凍豆腐一齊食,香辣風味好突出。台灣配料、小食 地道滋味

最欣賞養心殿有唔少蔬菜同配料都係來自台灣,好似台灣常見嘅水蓮菜、台灣A菜、新鮮銀耳都有供應,仲有有機秋葵、有機粟米,夠晒健康!台式小食方面,連鹽酥雞、鹽酥蚵仔、滷水鴨、滷大腸、甜不辣,都可以喺呢度食到,唔飛台灣,舌尖都感受到濃厚嘅台風滋味!

值得一提嘅係,鮮炸響鈴係店主大力推介嘅配料,因為佢係由深水埗公和出品,而且即叫即炸,豆味濃郁、薄身爽脆,吸收任何湯底都鮮香美味!

新鮮銀耳 $48

來自台灣嘅新鮮銀耳,特別爽口,蘊含大量膠質,女士必點!

鹽酥雞 $58

跟足台灣做法,鹹香鬆脆,好有台灣夜市風味;最鍾意佢一啖一件,大細啱啱好。

御選梅花豬 $108

嚴選西班牙黑毛豬,質感超爽滑,肉香十足,油脂均勻,推介配搭麻辣鍋或薑母鴨鍋食。

海鮮拼盤 $138/位

想食幾款靚海鮮,推介柯打呢個拼盤,有鮑魚、帶子2隻、海蝦2隻,已經好滿足!養心殿台式養生鍋

旺角店:彌敦道607號新興大廈1樓106-112號舖(2323 3123、2323 3698)(顯示地圖)

銅鑼灣店:軒尼詩道418-430號友光大廈3樓(2577 4400、2577 4401)(顯示地圖)

備註:設加一,收現金及信用卡。

養心殿全店設計同桌椅,主要用木材同暖色為主,氣氛閒適,幾有台式別緻小店嘅舒服感。
枱與枱之間,以木材疏孔屏風間隔,既能保持私癮度,亦夠開揚唔侷促。

相關文章:

「有住家飯 邊個想食叮叮飯」 3個食 叮叮飯 注意事項 @認可營養師Kathy

【邊間最好食】Top7 台式 鹽水雞 ! 夜巿過江ET 鹽水雞 係咪最好食?|記者試食|

【懶人廚房】慢磨保營養!高纖美顏 自製 排毒蔬果汁

關注我們Facebook專頁
    相關新聞
      更多瀏覽