落機都keep到靚樣!機艙5大 保濕 法寶@Miss Sunny
2017年08月24日12:49

去旅行Sunny最怕就係面對機艙乾燥嘅環境,飛兩至四個鐘都勉強頂得住,飛長途十幾個鐘,真係唔帶定幾件法寶上機,旅途未開始個樣已無嚟神氣…… 今次Sunny精選以下5件 保濕 法寶推介畀大家:

(Presented by MTM)

1. 嬰兒濕紙巾

BB濕紙巾其實好方便又好用,性質夠溫和,除咗可食嘢前清潔雙手同抹走唇膏,仲可以敷mask或搽cream前抹面,一包多用。

2. 膠原蛋白眼膜

Sunny每次出Trip都帶定MTM Custom Blended Eye Mask旅行裝,放喺化妝袋隨時幫對眼急救。兩款唔同嘅 Collagen Pad膠原蛋白眼膜,分別針對解決眼紋或黑眼圈問題,配合Custom-Blended Eye Expert Essence釋放三種膠原蛋白,機程中幫對眼叉足電,落機唔怕有眼紋!

3. 椰子油

多用途天然 保濕 霜,裝定細細支,隨時搽喺髮尾、指甲邊緣、嘴唇及乾燥皮膚上,有效鎖水,唔怕皮膚乾到裂。

4. 保濕 防曬霜

搭長途唔少絲打都愛素顏上機,雖然機艙屬於室內,但高空上嘅紫外線比地面殺傷力更強,所以上機必備一支SPF30以上嘅防曬霜,質地最緊要夠潤,保護同時keep住皮膚水潤。

5. 口罩

機艙超級乾燥的空氣對個鼻造成好大影響,Sunny每次都帶定口罩用嚟隔離冷空氣,有個口罩擋住仲無咁易抽乾塊面啲水分!有鼻敏感嘅絲打除咗口罩仲可以考慮問空姐要熱毛巾蒸氣薰鼻,立即舒緩敏感不適!

相關文章:

熟成72小時!! 燒牛舌 專門店 傳統麥米飯+牛尾湯套餐 |尖沙咀食乜好|

見證30日美麗蛻變@Miss Sunny

【正式開堂】陪伴大家度過的青春回憶-模范 棒棒堂 已經11周年!

關注我們Facebook專頁
    相關新聞
      更多瀏覽