阿倫誤爆 阮兒 暗撻衛志豪
2017年08月18日19:04

多得社交網絡發達,同埋唔通氣嘅「老友記」,又一對圈中情侶戀情曝光!話說常伴阿倫譚詠麟左右嘅前有線主播、現役余詠珊愛將的衛志豪,近月突然攜眷出席明星足球隊資深會員聚會,就算刻意避忌,仍然難逃愛selfie又愛分享的阿倫鏡頭。另一半係邊個?之唔係年齡相差13年、在《愛‧回家》做「徐榮新抱」冒出頭來的34C新晉咪神 阮兒 囉!暗撻半年相安無事,今次多得阿倫,冇得唔認數!

衛志豪 拍《同盟》撻着 阮兒

一個係有線過檔娛樂主持、一個係06年落選港姐,本來大纜都扯唔埋,多得余詠珊出手幫愛將一把,根據捧洪永城之藍本去安插衛志豪加入戲劇組劇接劇拍不停。一套《同盟》,遇上年紀差一大截的中、越混血兒 阮兒 ,據知情人士透露,雖然對手戲不算多、本來亦各自有圈外另一半,不過衛志豪立即對身材火爆、個性亦主動的 阮兒 另眼相看,而 阮兒 亦抵不過衛志豪一貫口甜舌滑細心體貼,火速撻著,知情者爆:「嗰時佢哋各自有男女朋友, 阮兒 仲講到想嫁,點知愈玩愈埋,當自己另一半冇到,無耐就行埋咗一齊,呢段複雜關係維持咗一段時間。」

43歲衛志豪同李珊珊緋聞傳足多年,曾自爆有拍拖多年女友,最近終於換上新女,同剛滿30的無綫新咪神阮兒暗撻半年。

阿倫 洩親密關係

據知直至今年初,衛志豪和 阮兒 才各自向另一半提出分手,不過二人仍然密冚戀情,在電視城及同事間都成秘密。衛志豪只敢帶阮兒出席明星足球隊長輩級成員聚會,當見家長。本來 阮兒 事業剛起步、衛志豪亦剛剛加入戲劇組,二人有默契低調處理,奈何以阿倫為主明星足球隊成員及晨曦班主周文曦一班老友當正阮兒「弟婦」,不慎洩露「家庭照」,令二人親密關係通晒天。

大棚人睇夜波中場休息時,校長突然舉機玩大合照,阮兒條件反射舉V遮面,不過兩位連體嬰一樣黐實坐姿已經出賣親密關係。

今年2月,校長老友兼晨曦班主周文曦生日,一班波友攜眷上門慶祝,阮兒首次以女友身份跟住衛志豪出席聚會。

崔嘉寶生日 阮兒再現身

8月輪到周文曦太太、前無綫藝人崔嘉寶生日,又係同一班人腳飯聚切蛋糕,拍拖半年,阮兒一早被阿倫、志偉等人當正係弟婦,大家一家咁對待。

收工撲上女友香閨

一邊忙趕新劇《果欄中的江湖大嫂》、一邊繼續主持工作,上周四(10日)錄影完《阿爺廚房》,衛志豪甚是熟路一支箭搭小巴前往阮兒的將軍澳峻瀅香閨,而相隔無耐之前, 阮兒 才剛剛在峻瀅會所泳池結束Big Big Channel水著直播,時間夾得啱啱好,沖埋涼瀝乾水,正好等到男友返歸!

收工撲上房 上周四(10日),出席完《阿爺廚房》記者會後,衛志豪相當熟路,乘上專線小巴從電視城直往同區屋苑峻瀅。

進入屋苑後,衛志豪長驅直入,街坊見慣不怪、看更亦當正熟人,明顯是住客常客經常出入。

無獨有偶,衛志豪收工前,阮兒正好一身水着在峻瀅會所泳池前玩Big Big Channel直播。

童年跟隨家人移民荷蘭,家底豐厚的阮兒14年重回無綫後,即為方便入住電視城附近熱門新盤峻瀅。

余詠珊愛將

2000年加入有線電視成為娛樂新聞主播,衛志豪星運麻麻,靠把口同交際手腕,猛料圈中好友反而大把。十多年來最出名就係做過李珊珊密友,一度威脅珊珊當時男友錢嘉樂的地位,更曾細自己十七年的同陳嘉桓以及無綫新聞之花駱文捷傳緋聞。

徐榮新抱

至於06年落選港姐 阮兒 係中越混血兒,自幼隨家人往荷蘭定居,所以有鬼妹仔性格,同屆三甲陳陳茵媺、周家蔚、呂慧儀紛紛嫁埋上埋岸,唯獨 阮兒 浮沉8年,曾同當時同樣冇乜名氣的楊明拍過拖,直至14年參演《愛‧回家》做羅天宇老婆才開始入屋,最出名係不吝嗇34.5C好身材,成為無綫新咪神,不時在IG晒水著照。其實兩位都遲起步,又難怪拍拖要收埋先。

相關文章:

NIKE官網3周年即送窩心小物 $699以下 黑白波鞋 精選

女神封盤 朱千雪 開腔認定醫生男友

方媛 擇日開刀 郭富城 撲返港陪產

關注我們Facebook專頁
    相關新聞
      更多瀏覽