洪金寶明做膝蓋手術 復原需時半年不停工
2017年08月15日22:21
洪金寶今晚仍出席電影節活動,獲惠英紅撐場。

【星島日報報道】洪金寶出席電影節活動,透露明日做膝蓋手術,復原需時4至6個月,但他不會停工,會返公司開會,也不怕為自己的新戲親身上陣,因為11月才開拍,尚有3個月時間;更笑謂做完手術後會坐住輪椅周圍去。他說:「做完手術第1、2日,我不敢周圍行,兩日後睇下咩情況同活動能力去到邊?要6個月時間復原,意思可以行街,甚至乎要我踩單車、游泳。(好似劉德華會做深蹲動作?)唔會啩!」問到可有見過二子洪天祥的女友劉奕兒?他說:「見過一次吃過飯,幾好呀!其實我地睇表面,因為對住時間唔耐,第一個感覺個女仔斯唔斯文同有冇禮貌,好與唔好個仔去評論!係唔理得咁多,唔到你理。希望三個仔都娶老婆生仔,個女快啲嫁出去又生仔女,一家人有15、6個小孩就最好。我較老式思想,家庭愈多人愈熱鬧就愈穩固感覺。」 (攝影:鄧國良)

關注我們Facebook專頁
    相關新聞
      更多瀏覽