【為何結果不是我想的那樣】張曦雯比堅尼未出場 新《3日2夜》變密實
2017年08月09日07:00

張曦雯呢日post咗張相,同獅子冇遮冇掩近距離接觸,佢唔單止一啲都唔驚,仲笑容滿面。相片係之前拍攝J2旅遊節目《3日2夜》時影嘅,呢個節目出名多比堅尼美女,張秀文、朱智賢、陳婉衡等都浸溫泉「一浸成名」。

日前新一輯出街,由張曦雯打頭陣,一連三集帶大家去毛里裘斯。首集佢挑戰同獅子漫步,又大玩高空滑索、峽谷打鞦韆等驚險活動,雖然都有露膊露腰嘅衣著,但係比起上一輯去馬爾代夫,今集節目似乎「收斂」好多,唔再主打「睇肉」,只有按摩一幕露玉背。不過之前張曦雯於毛里裘斯拍攝時,曾經post過比堅尼相,粉絲們唔駛灰心,最期待嘅畫面可能下一集出現!

關注我們Facebook專頁
    相關新聞
      更多瀏覽