【床照放題】陳瀅何雁詩人疊人 唐詩詠氣質睡相誘惑
2017年08月08日07:00

唔通真係夏日炎炎正好眠?最近似乎有股「床照」熱,女星們輪流晒自己喺床上嘅慵懶姿態。成班好姊妹同一屋簷下,有咩好做?何雁詩、陳瀅、劉佩玥三人同床齊齊瞓,仲瞓到打晒交叉人疊人,鏡頭仲奇特地對焦喺何雁詩對腳,構圖相當特別。

唐詩詠雖然唔係瞓床而係瞓沙發,不過靚女海棠春睡,瞓邊都一樣咁有氣質。

至於圈中另一班好姊妹「胡說八道會」,早前亦喺床上大玩6P,個個笑到見牙唔見眼,唔知講緊乜嘢咁開心?呢張相左下角仲「穿崩」露出攝影師隻手同鏡頭,又一獨特構圖!

馮盈盈嘅ig followers最近終於衝破十萬,佢除咗發表感言多謝一眾支持者,仲好識做咁post返張床照派福利。

衛詩雅好識歎,佢將成碟雞同汽水搬晒去床邊,連食飯都唔落地,實行趴住食!

關注我們Facebook專頁
    相關新聞
      更多瀏覽