【K韓公社】那些年採訪過的韓星— HIGHLIGHT
2017年07月31日19:20

用全新隊名「HIGHLIGHT」出發既Beast,岩岩就係亞博完左佢地「Can You Feel It? 」巡迴演唱會既香港場!全場氣氛勁HIGH!!搞到aki都熱血沸騰,忍唔住一齊狂呼呀!

未開場,全場粉絲已經好急不及待,係咁不停狂呼佢地既偶像出黎!全場既燈一熄,台上布簾一落,5位成員現身,全場暴動樣既歡呼聲,真係令aki想放低部機,走出去同粉絲一齊癲!HIGHLIGHT以「CAN YOU FEEL IT?」一曲揭開序幕,粉絲手中應援燈由中央系統控制,不停迎合歌曲及台上螢幕顏色而變色,真係堅靚!

唱到咁上下,成員當然要同大家傾下計!MC環節係唔少得,佢地當然好識做咁不停冧FANS啦!東雲仲用許留山既芒果甜品黎形容香港既FANS,好似芒果一樣咁甜,把口真係甜死人呀~最記得,成員李起光帶頭話龍俊亨好可愛,問大家有無發現!跟住鏡頭就影住佢個招牌無奈暗笑樣,佢就又開口話剪短左頭髮,因為香港粉絲太熱情,所以熱到要剪短!連個髮型都要關粉絲事!為左冧你地,佢地可以去到幾盡?

佢地見呢次既應援燈係可以隨住指令變色,當然又要玩下中二病「超能力」遊戲啦!5位成員逐個講顏色,手燈就跟住變,完全滿足哂佢地既童心需要!而最高潮既位就係哂尾段,因為Beast時期既經典歌曲「midnight」、「beautiful night」、「Fiction」、「Shadow」、「Good Luck」、「Shock」出哂黎,全場high爆左!aki都已完全失控狂呼狂跳!最後,耀燮佢死都唔肯走,死都仲係到唱!仲問其他反左後台既成員話:「真係走啦?」,就繼續唱多陣就返入去。以為真係完既時候,又再全員出返黎,唱返首「Plz Don’t Be Sad」,同大家一齊玩埋推波波先真正完show!

原文連結:

【K韓公社】那些年採訪過的韓星— HIGHLIGHT

相關文章:

2017書展寫真戰: 率先踩入書展攤位 楊曉穎孖楊麗首推寫真落手落腳

Stars-HK娛網

本站集中報道娛樂新聞,包括在音樂圈、電影圈、電視圈、劇團裡面,歌手和演員的活動和最新動向等。我們採取「只談專業,不談緋聞」的編審方針,希望帶給讀者清新的體驗。無論是中、港、台、日、韓等地的大明星以至新人的消息,娛網都會悉數報道。我們也會重點發掘未來新星,致力推廣。

關注我們Facebook專頁
    相關新聞
      更多瀏覽