【臭X】陳逸寧電台爆粗有手尾跟:以後唔敢喇
2017年07月28日07:00

《春嬌救志明》成績相當唔錯,全賴一班演員好似陳逸寧、楊千嬅同林兆霞等四出谷電影。雖然電影已經落畫,但佢哋竟然有手尾跟?

事關今年三月,陳逸寧上商台節目《1圈圈》時,直播期間唔小心爆粗:「條臭X嗌你做春嬌姐。」佢之後受訪時向聽眾致歉:「如果聽眾覺得唔舒服,我喺度講聲唔好意思。」千嬅亦有幫口:「佢太投入角色喇!」

當時商台話未接到投訴,不過星期四通訊局發出文件,指有三個公眾人士投訴陳逸寧爆粗,並根據《電台節目守則》中第15段指引,指電台節目「應該避免使用一般人認為粗俗或不能接受的用語。絕對惹人反感的用語則完全禁止在電台廣播中使用。」

通訊局又話,雖然呢句粗言係節目嘉賓直接引述一句電影對白時講出,似乎無惡意,但係喺阮兆祥提議示範使用粗言穢語之下講出,即使男主持已作補救,但主持冇向嘉賓提供適當提示,通訊局認為佢應該更審慎,因此裁定投訴成立,向商業電台發出強烈勸諭!

陳逸寧接受傳媒訪問時再次表示歉意,並話:「我以後唔敢喇x100」

關注我們Facebook專頁
    相關新聞
      更多瀏覽