【女校對疊】「雲加去留」成中學生辯論比賽題目?
2017年07月26日13:36

有睇開波嘅朋友都應該知道阿仙奴領隊雲加嘅事,由於球隊多年來都未能染指英超,令唔少「阿迷」都叫佢落台,估唔到今時今日雲加應唔應該落台竟然可以成為中學生辯論比賽嘅題目,仲要喺由兩間女校比賽!

由本地機構舉辦嘅「鳴辯盃中學生辯論賽」噚日就喺 Facebook 上公佈新一輪比賽詳情,其中一條辯論題目竟然係「雲加退休對阿仙奴利大於弊」,更令人驚訝嘅係其中一場賽事由兩間女子中學——「保祿六世書院」 (正方) 同「庇理羅士女子中學」 (反方) 作賽,令人關注呢班同學仔究竟有冇睇波呢?

主辦單位話今個星期正舉辦「辯論體育週」,除咗討論阿仙奴領隊雲加嘅去留利弊,更討論 NBA「降薪抱團」現象、板球世界盃的自動參賽權,以及多國聯合申辦奧運等,希望可以加強同學對唔同議題嘅認識,有興趣嘅不妨到時入場睇下賽事!

唔少網民都諗到其他創意辯題,大家又點睇呢?

網民留言:

「加多個:利物浦球迷不應該噓舒米高,反正都激烈討論」

「 講咁遠做乜,政府和康民 (文) 署對香港足球發展利多於弊」

「建議加設辯題「金判坤辭職對香港隊利大於弊」」

「兩間女校辯論賽的辯題:雲加退休對阿仙奴利大於弊」

關注我們Facebook專頁
    相關新聞
      更多瀏覽