【SMAP】中居轉軚續約尊尼 木村怕受威脅嗌離巢
2017年07月14日07:00

日本天團「SMAP」上年年底正式解散,木村拓哉因拒絕離巢,被指出賣隊友而成為眾矢之的,形象大跌之餘工作亦都大減。

原本日本方面有報道指,SMAP解散後木村將會繼續效力尊尼事務所,而其他四子就唔續約,等到九月齊齊滿約離巢。不過最近中居正廣都玩「變節」,決定續約尊尼,香取慎吾、草彅剛及稻垣吾郎就繼續唔留低。

之旦係中居呢個決定,令木村感到受威脅,事關消息話木村見社長喜多川年時已高,希望將來可以出任事務所幹部,但近藤真彥同瀧澤秀明都得到社長歡心,加上因為SMAP解散單嘢,佢現時所賺嘅酬勞只得約1億日圓,反而中居因為廣告同司儀工作而勁賺20億,兩者收入差成20倍。

眼見自己就快「冇碇企」,木村都想離巢,報道話,木村嫂工藤靜香正為老公探路,希望木村可以離巢發展。

關注我們Facebook專頁
    相關新聞
      更多瀏覽