王君馨姊妹團 激索 苟芸慧 勁搶鏡
2017年07月12日18:10

昨日係王君馨與圈外男友Daniel喺香港補擺婚宴的大日子,兩人結束11年愛情長跑,可喜可賀!不過除了一對新人外,最受關注的莫過於一班索爆姊妹團!成員包括前處女黨成員鍾嘉欣、岑麗香、李亞男,以及現任成員 苟芸慧 ,仲有教友裕美及衛蘭等。嘉欣媽媽一樣咁靚、香香依舊可愛,而其中唔少網民都大讚 苟芸慧 簡直係狀態大勇,靚到啪啪聲!你又點睇呢?

王君馨 與Daniel 於美國會補辦婚宴,場地佈置以紫色為主,門口則擺放兩人的甜蜜合照。君馨着上白色魚尾裙婚紗,大騷長腿,性感得來又型格,十分切合君馨的形象!兩人當然少不了在眾賓客前多番咀嘴,搞到一班姊妹起哄大叫「So sweet!」主角雖然係一對新人,不過唔少朋友重點都放咗喺索爆姊妹團身上,呢個咁多索女的組合真係難得一見!

最近專注照顧女兒Kelly的嘉欣媽媽,再次為君馨擔任伴娘,冇見一排都係咁靚!嘉欣又透露自己技癢想拍劇,依家正在洽談中,希望快啲見到佢作品啦!

岑麗香去年12月和金融才俊Joshua(強強)於溫哥華行禮結婚,成為人妻後魅力絲毫不減,笑容甜美可愛到極,低胸裙輕露事業線,不愧係香香公主!

最後來到 苟芸慧 ,大家都知苟姑娘曾因壓力導致甲狀腺失調至暴肥,高峰期達170磅,不過去年成功由肥苟變回索苟,又得愛情滋潤,與錫礦大王陸佑後人兼賽車手陸漢洋打得火熱,已步入談婚論嫁階段!華姐冠軍的美貌無庸置疑,笑容燦爛甜美殺死人,雖然苟姑娘又未算手腳纖幼,不過身形夠晒平均,上圍豐滿。其實苟姑娘一向都被認為係肥瘦一樣咁索的女星,沒有之一!

有愛情滋潤,苟姑娘當然幾時都春風滿面啦!

全文完

相關文章:

索爆姊妹團相伴 王君馨 Daniel 補擺婚宴咀不停

緊急召集 Vapormax橄欖綠 之突襲

北上發展 徐子珊 靚樣再進化

關注我們Facebook專頁
    相關新聞
      更多瀏覽