與劉佩玥相隔三年再同劇 陳瀅晒床照:我哋真係要分開下
2017年07月11日07:00

劉佩玥同陳瀅一向糖黐豆,啱啱先一齊去完旅行返嚟,陳瀅呢日竟然話同對方「真係要分開下」,唔通係旅行嗰陣鬧翻咗?原來佢哋兩個事隔三年,終於再度同劇,陳瀅post二人床照,又打趣話:「#其實已經每日見#而家仲要日見夜見幾個月#誰能打救我#拍完我哋真係要分開下#換我自由」!

雖然陳瀅同劉佩玥兩個日見夜見,但係閨蜜組三缺一,爭咗何雁詩,劉佩玥post同其他人嘅合照時亦不禁同何雁詩講句「I miss u so much」。

而日前宣佈陀B嘅賴慰玲,亦係陳劉二人嘅好姊妹,有喜嘅消息佢哋一早就知,賴慰玲仲踢爆陳瀅同佢講:「你係我第一個朋友有咗!」蔡思貝得知好消息後,則喊咗十分鐘!

關注我們Facebook專頁
    相關新聞
      更多瀏覽