回應與洗米華關係 松岡李那 唔識中文:「拍拖??」
2017年07月04日14:19

31歲的日模 松岡李那 早前在安以軒婚禮上,與澳門賭業猛人洗米華 (周焯華)的辣身舞片段於網上瘋傳,據知松岡四年前已對洗米華虎視眈眈,近月發動攻勢不停姣纏得米,不但獲准陪到夏威夷出席婚禮,更坐私人飛機、豪華轎車出入,突然富貴兼得寵,Mandy 2.0正式誕生!松岡今日凌晨回港,被問到與洗米華的關係時,佢就突然變返個純正日本人,唔識聽廣東話喎!典解會咁嘅?

松岡李那 洗米華 大跳辣身舞

洗米華有錢有型有地位,除了靚靚正印Heidi外,仲有遠在英國的情人Mandy Lieu,呢段多角關係大家應該都清楚啦。上月安以軒和澳門百億富商陳榮煉在夏威夷舉行盛大婚宴,松岡獲洗米華允許一同出席,兩人大跳辣身舞的片段更離奇在網上瘋傳!片段見到松岡雙手箝實洗米華,然後不停擺動蛇腰、扭籮,如連體嬰,洗米華面紅紅,面帶醉意。

松岡近月又不時在網上炫富,坐私人飛機、豪華長轎車及富豪遊艇,工作量唔多,但就過住富豪級生活!

松岡 除罩任影

松岡今日凌晨5時許,與另一藝人王友良從日本東京抵港,並於5時50分步出大堂。松岡身穿深藍色長裙及戴上口罩,佢早知有傳媒在場守候,故看似神情輕鬆,似乎有備而來。雖然身旁的王友良強調松岡唔會回答問題,但佢見到記者後合作地企定定,而且除下口罩任影唔嬲,期間一直保持笑容。

突然唔識中文

被問到現時有冇拍拖,松岡就就突然間變返日本妹唔識中文,擘大對眼反問記者:「拍拖?」之後經王友良替佢翻譯後,用英文中回答自己冇男朋友:「I am single. (我係單身)」 之後記者再以英文追問佢同周生的關係,佢就表示好驚訝一秒的擁抱會變成大新聞,又指自己認識對方一段時間,不過只因工作關係。

「Not really!」

咁到底同周生係咩關係呢?仲有冇聯絡呢?呢個moment松岡又再次唔識聽中文啦,經王友良翻譯後,佢簡單答咗一句:「Not really!」之後一同乘搭機場快綫離開。

全文完

相關文章:

黃偉文林奕匡聯手 〈 霸氣情歌 〉賀陳柏宇新婚!

5對上半年型爆 街場籃球鞋 檢閱!

《踩過界》 譚凱琪做「雞」 蔣家旻被禁錮玩SM

關注我們Facebook專頁
    相關新聞
      更多瀏覽