夏日最Hot活動│相約陳柏宇 行山 +音樂會 @Miss Sunny
2017年06月29日12:00

(Presented by Bioré)

Photo:Carson

終於都見番艷陽高掛嘅日子喇!夏日梗係要有太陽先生襯托至夠完美啦~

上星期六,我就參加咗陳柏宇(Jason)嘅戶外音樂會「Bioré UV x MOOV音樂大曬—陳柏宇」,除咗聽歌,最特別仲可以同偶像一齊跳出室外 行山 、親近太陽,咁特別嘅戶外活動,都係第一次!

當日太陽先生好唔客氣咁放閃,我Miss Sunny梗係做足準備,帶埋Bioré長效清爽防曬噴霧,先可以保持白滑皮膚!非常細心嘅Jason仲不時幫大家補塗防曬,sweet到呢~

邊行山邊Selfie 雞公嶺前玩航拍

上星期六超好天,走入元朗錦田,主題色就只有:藍、白、綠,被藍天白雲青山圍繞住自己,零舍精神爽利!

當日,Jason連同80位fans同參加者,由元朗錦田水尾村天后廟出發,沿住村屋行大約半個鐘,再走上一個小山坡,眼前就係綠油油嘅雞公嶺,仲可以居高臨下欣賞錦田全景,畫面極美,我同一班參加者都忍唔住影相、selfie打卡!

出發 行山 前,指定動作當然係噴防曬啦!
Fans把握機會,邊行邊selfie。
沿途Jason仲不時搞爛gag,笑死一班fans。
流咗汗,Jason提提大家要補搽防曬,Bioré 防曬噴霧質感清爽透薄,噴落皮膚感覺涼浸浸,仲可以為肌膚補充水分,皮膚無咁乾,炎夏必備。
見到偶像噴防曬,fans都即刻跟住補噴。
又係selfie time,Jason都一一滿足大家~

今次所揀路線以平路居多,加上有靚景睇,全程感覺幾輕鬆。大家沿途不斷同Jason selfie、傾偈,相信係前所未有咁近距離同偶接觸,大家都非常開心。到咗好有氣勢嘅雞公嶺,當然來個大合照兼航拍,先下山去名樂村開concert。

Jason率領大家浩浩蕩蕩上小山坡,預備睇靚景。
大家背後就係雞公嶺喇~
抵達小山坡,眼前嘅雞公嶺一片綠油油,有淨化雙眼效果。
另一邊就係錦田全景。
全程都幾輕鬆,對Jason同一班參賽者嚟講都無乜難度。迷你音樂會即興Jam歌

Jason同fans抵達名樂村後,戶外音樂會隨即開始。Jason隨住當日心情輕微修改咗歌單,玩即興jam咗幾首歌,打響頭炮係《Medley:木馬小盒、別怕失去、行屍走肉》,然後有《讓子彈飛》、《航拍》,同埋大家熟悉嘅《沒有你,我甚麼都不是》。

雖然當日尾段落咗陣驟雨,但係音樂會氣氛全無影響。Jason有木結他伴奏,以acoustic演繹,仲有雨聲襯托住,反而仲好feel!

Jason當日以acoustic演繹歌曲,簡簡單單但反而更突出佢清脆嘅歌聲。
喺名樂村咁近大自然聽音樂會,相信好多fans都係第一次。

到咗問答遊戲時間,「防曬系數SPF 1等於可以防曬15分鐘,咁有SPF 50嘅Bioré長效清爽防曬噴霧可以防曬幾耐呢?」Jason諗咗好耐都未計到時間,講笑話:「嘩,防曬時間咁長,下年都唔駛補噴啦!」全場人忍唔住大笑!其實,答案係12個鐘,足足有半日咁多!第二日會去遊船河嘅Jason,已經諗住帶埋支Bioré長效清爽防曬噴霧,曬足全日都唔駛驚。

問答遊戲時間:SPF 50嘅Bioré防曬噴霧可以防曬幾耐?Jason講笑話:「嘩,防曬時間咁長,下年都唔駛補搽啦!」
Jason特別提醒大家,塗防曬最易忽略頸背部位。
愛搞鬼嘅Jason,變成「音樂大曬」嘅人肉「大」字。
唔少fans都帶埋CD叫偶像簽名。
完咗音樂會又放晴,當然要再親親太陽先生,來個大合照。炎夏必備 清爽防曬噴霧

提起防曬用品,好多人都用防曬乳霜,不過夏天熱辣辣,用噴霧就夠晒爽!Bioré長效清爽防曬噴霧質感有點似lotion,最鍾意佢透明質地唔泛白,非常清爽。佢用咗獨有嘅日本Sara Sara Powder技術,防曬粒子可以好均勻咁分布肌膚表面,全面阻隔紫外線,加上防水防汗,效果持久。佢仲加入咗洋甘菊精華,可以為肌膚補充水分,就算長時間日曬,皮膚都唔會好乾。最鍾意佢噴落皮膚感覺涼浸浸,天氣又熱又焗,出咗汗都無負擔,全身包括面同頭髮都用得,簡直係炎夏必備!

Keira:行山+音樂會,呢個活動組合好新鮮,最開心係咁近距離接觸Jason。今次戶外活動用Bioré長效清爽防曬噴霧,覺得質感好爽,完全唔笠。
Daphna:雖然最尾落雨,但都無影響氣氛,有雨聲襯住聽歌,又係另一種正feel,今次活動好好玩呀!
Bioré長效清爽防曬噴霧SPF50+ PA++++(左:增量裝$159.9/150g;右:$99.9/50g)

相關文章:

綠寶橙汁變雪條!公利蔗汁變手工啤酒! PMQ世代同撈市集 新舊本土品牌Crossover|中環好去處|

郊遊 新玩法│4條輕鬆路線睇地質生態、六角柱、市集 @Miss Sunny

【 日本退稅 】東京百貨公司退稅+折扣優惠懶人包(附2017夏季大減價時間表)

關注我們Facebook專頁
    相關新聞
      更多瀏覽