擲1.6億連掃3豪宅 王祖藍顧家落屋企人名
2017年06月29日13:50
向來愛錫家人嘅王祖藍,買嘅樓分別寫上老婆李亞男和細妹個名。

【星島日報報道】近年樓市熾熱,唔少樓價屢創新高,雖然市場情況瘋癲,但好多藝人仍爭住入市,如影帝張家輝、鍾楚紅、謝賢、王祖藍、Angelababy、黃心穎等,古天樂和麥長青則涉獵工廠大廈。

當中以在內地搵得盤滿缽滿嘅王祖藍,身家愈來愈豐厚,可謂炒樓嘅表表者。早前佢斥資1億6千萬連掃3個大埔逸瓏灣嘅豪宅單位,仲分別寫老婆李亞男同細妹個名,屋企人個個有樓揸手,認真顧家。榮升1.6億樓王嘅佢,一向認為買磚頭係最好嘅投資,佢講過:「我賺10蚊可能畀咗8蚊屋企人。(會再投資嗎?)有機會想試少少,炒股票又冇時間睇,有可能都係物業比較多,買完唔使睇,只要睇入市時間啱唔啱,暫時唔會再入市住,諗吓先。」

關注我們Facebook專頁
    相關新聞
      更多瀏覽