【又被通知】 出卡通《RM》冇知會成員 《軍艦島》被爆臨記待遇差
2017年06月26日07:00

韓國綜藝節目《Running Man》之前試過喺冇先前通知成員宋智孝同金鐘國下,單方面宣佈兩人「下車」消息,隨即被網民插爆,更一度宣佈節目將會摺埋,好在經過溝通後,節目先得以繼續。

而日前SBS方面宣佈製作動漫《RM》,成員將化身長頸鹿、老虎等七種動物,代表自己種族參加撕名牌等比賽,動漫每集30分鐘,一共24集,

消息公布後網民反應唔錯,不過呢日有報道指,原來今次決定SBS又係冇通知成員:「我哋向透過新聞或預告片知道呢個消息嘅《RM》節目組及成員表達歉意。」據講,已經退出節目嘅Gary亦都係「被通知」,不過Gary知道之後話表示理解。

另外,日前節目組透露正邀請宋仲基同Gary拍攝7周年特輯,雖然未知兩人會唔會現身,不過宋仲基最近就忙住為電影《軍艦島》宣傳,但有自稱係《軍艦島》臨演嘅網民大爆,片酬比最低工資仲要低,而且被曬到燒傷後都唔畀擦防曬,有工作人員更笑指咁仲貼近真實,網民形容自己就好似劇情一樣被強制徵用!

不過呢篇爆料文章已經被刪除,而《軍艦島》方面亦回應,話所有嘢都唔係事實:「只有5場戲要拍超過12小時,事前已得到工作人員同演員諒解,亦有支付額外嘅工資。」

關注我們Facebook專頁
    相關新聞
      更多瀏覽