《賭城群英會》 五代 港姐 大晒冷
2017年06月23日19:49

近日新劇《賭城群英會》正全城熱播,除了有久違的四哥謝賢及叻哥陳百祥外,劇中五位主要女角陳法蓉、佘詩曼、高海寧(高Ling)、文凱玲同麥明詩全部都係 港姐 出身,話晒美貌與智慧並重,質素自然有番咁上下!你又最鍾意邊個呢?

近年參選港姐成為女星入行TVB主要途徑,今次新劇女主角陳法蓉、佘詩曼、高Ling同文凱玲(左三)就全部都係港姐出身。
劇中陳法蓉飾演佘詩曼、高Ling同文凱玲師父,四師徒中最年輕係30歲高Ling。陳法蓉 凍齡太后

現年49歲陳法蓉89年當選港姐冠軍,90年就擔正拍《人在邊緣》,及在電影《賭俠》中演出「龍九」一角走紅,之後佢就專注拍戲,但可惜冇咩代表作,直到2001年拍 張衛健版電視劇《小寶與康熙》,陳法蓉一人分飾太后同龍兒兩角,令觀眾留下深刻印象,雖然套劇已過16年,但睇番陳法蓉個樣都冇咩點變,認真係凍齡有術!

劇中男角普遍年齡遍高,莫講話陳法蓉望落只得3字頭,就算計佢真實年齡49歲,都同66歲阿叻都相差多達17歲,幾乎做得兩父女!
陳法蓉16年前在《小寶與康熙》一劇中分別扮演假太后和龍兒兩角,一個霸氣一個溫柔,同樣美艷動人。阿佘 兩度封后

42歲佘詩曼(阿佘)97年攞港姐季軍入行,初出道已獲力捧,先後擔正拍劇集《雪山飛狐》同《刑事偵緝檔案IV》等劇,2000年拍主張智霖主演《十月初五的月光》更一炮而紅,之後阿佘努力改善雞仔聲,演技亦愈做愈好,拍過多部劇集如《宮心計》、《公主嫁到》、《使徒行者》等,都係當年收視冠軍,06年阿佘終憑《鳳凰四重奏》一人分飾四角,登上第一個視后寶座,2014年更以《使徒行者》「釘姐」一角,連奪「最佳女主角」和「最受歡迎電視女角色」,成為首位「雙料視后」。

雖然選港姐只攞到季軍,但阿佘現今演藝成就已超越當年冠軍翁嘉穗。

阿佘同馬國明呢pair曾經喺微電影《愛情來的時候》入面合作過,今次終於有機會咀嘴!高Ling 盪奶上位

30歲高Ling 08年選港姐時三甲不入,只攞到一個旅遊大使獎,但就獲簽入無綫拍劇,但多做花瓶角色,最受人注目反而係高Ling喺多個綜藝節目大晒其34D上圍,包括2011年《為食總司令》越南篇洗泥漿浴、2012年《五覺大戰》扮「紫荊俠」玩盪奶漂移等,2013年《法網狙擊》入面一幕露背強姦戲,更令高Ling人氣即時急升,行出街都多咗唔少市民認識,從此高Ling逐漸多咗唔少劇拍,當然劇中都唔少得要繼續晒吓身材。

高Ling近日喺劇中呢套騷胸兼晒黑絲嘅女僕裝勁吸睛,極迅熱爆網絡。
高Ling劇中仲有四眼look加埋deep V上衫,造型多變。文凱玲 做過夜蒲女

34歲文凱玲原來都參選過2010年港姐,不過成績只到第八名,同屆冠亞季軍分別係陳庭欣、張秀文同莊思明。落選後佢轉投電影圈,先後拍過錢國偉執導嘅《喜愛夜蒲2》同《喜愛夜蒲3》,以及多部王晶監製電影《唐伯虎衝上雲霄》、《賭城風雲II》同《鴨王2》等,力sell其33D上圍加42吋美腿。

文凱玲今次處女拍劇,同阿佘、高Ling做同門師姊妹,當然唔少得要着短打晒長腿突圍。麥明詩 處女拍劇

在五代港姐中25歲麥明詩最年輕,佢前年以十優狀元嘅優勢力壓其他佳麗當選港姐冠軍,卸任後曾做過明珠台《港生活·港享受》同《里約奧運》等節目主持,以及拍過電影《失戀日》,今次處女拍劇,同「鴨王」何浩文做一對,演技如何未睇到,不過獲TVB力捧,戲分點都唔會少!

劇中麥明詩fight贏高Ling,披上性感婚紗嫁畀「鴨王」何浩文,件婚紗望落仲有啲離罩!全文完

相關文章:

無綫力邀做親生仔 袁文傑 兩個月袋200萬

《 踩過界 》王浩信演盲俠大律師

大仔轉讀猶太學校 陳茵媺 約蔡少芬傾媽媽經

關注我們Facebook專頁
    相關新聞
      更多瀏覽