阿嬌爆Chilam被老婆禁保養
2017年06月19日03:00

【星島日報報道】張智霖(Chilam)與鍾欣潼(阿嬌)前日領軍現身上海國際電影節,戴上二千多萬首飾的阿嬌閃爆全場,當宣傳新片時,阿嬌大爆Chilam被太太靚靚禁止保養,難道是怕Chilam太童顏之故?

一眾港星日前現身第20屆上海國際電影節,Chilam、阿嬌、梅婷等前晚出席驚悚片《京城81號2》發布會,大會將電影中「朝內81號東方第一鬼宅」搬到現場,令現場充滿陰沉詭異的氣氛,男主角Chilam還特意帶了媽媽一起前來,更大讚媽媽天生麗質,才可以令他遺傳優良傳統,而阿嬌則玩爆料,大爆Chilam笑指太太因妒忌而禁他保養。

此外,昨日Chilam聯同蔡卓妍(阿Sa)、佘詩曼出席另一驚悚片《常在你左右》發布會,Chilam分享最難忘是戲中要肢解林家棟:「平時劏雞都唔會,今次就要將林家棟條屍體肢解,個感覺好特別。」至於阿Sa則表示細個已看過《陰陽路》系列,但其實很怕睇恐怖片。另一女角佘詩曼(阿佘)與古天樂(古仔)演一對,行紅地氈時阿佘以一條露肩薄紗魚尾裙現身,雖然艷壓全場,但「好睇唔好行」,上樓梯都有難度,幸好古仔man爆化身人肉扶手,緊緊扶着阿佘,難怪事後阿佘自嘲:「我就好似一條八爪魚,因為吸住咗個地,行唔郁!」

至於許鞍華、阿嬌及薛凱琪則佩戴了BVLGARI珠寶系列行紅地氈,當中阿嬌佩戴的BVLGARI LE MAGNIFICHE高級珠寶鉑金項鏈價值逾二千多萬港元。同場的薛凱琪、張鈞甯與導演黃真真齊宣傳電影《閨蜜2之單挑越南黑幫》,今次電影加入「氣質女神」張鈞甯,不但為電影帶來新鮮感,亦令薛凱琪感興奮,因現實中三位女角已成為閨密好友。

關注我們Facebook專頁
    相關新聞
      更多瀏覽