「游生」好寸唔睬人?游學修被誤認袁文傑
2017年06月15日07:00

游學修喺網上大爆自己曾經畀人認錯係袁文傑!但係明明二人無論樣貌、身高、年齡都冇樣似,仲要一個行型男路線,一個行詼諧路線,竟然咁都認錯?

游學修話有次影迷搵佢合照嗰陣,行埋嚟同佢講:「哈囉Andrew,你好呀Andrew,可唔可以同你影張相呀?你係咪Andrew呀?」佢百思不得其解,明明自己英文名唔叫Andrew,直到喺《不懂撒嬌的女人》飾演「游生」嘅袁文傑(Andrew)嚟到,佢終於明白晒!原來係嗰位戲迷太入戲,以為「游生」真係姓游!

網民引用當年許志安被認錯做杜德偉一事嘅金句,搞笑留言:「條友好寸,叫佢袁生都唔睬人」,游學修亦幽默回應:「我有睬佢呀!邊似杜生咁寸」。

關注我們Facebook專頁
    相關新聞
      更多瀏覽