【有歌聽】處女下海跳舞 鄧小巧為靚放棄高跟鞋
2017年06月09日07:00

鄧小巧最近推出新歌「兩溝」,呢日MV有得睇喇!小巧為咗呢個MV,唔止要通宵捱夜拍攝,兼且要處女下海跳舞, 都咪話唔辛苦,不過最慘嘅係,原來小巧最怕著高跟鞋!

小巧話,MV入面佢要著上幾吋高跟鞋來跳舞,對佢嚟講挑戰好大:「我學咗個半月跳舞,因為首歌要表達身體語言,所以肢體要靈活,只是學扭已經好大難度。本來我要穿高跟鞋跳,但原來我係跳唔到,因為會失去重心, 我顧得對腳,又跳唔到舞,為咗肢體動作要靚,最後放棄著高跟鞋!」

至於新歌「兩溝」係描寫人與人之間溝通關係,佢話:「其實音樂可以有溝通作用,今次這首歌有言語又有音樂的元素在以溝動作、溝人,有時講說話未必真正能表達意思,講完等於冇講,咁不如用動作做出嚟!」

小巧話自己溝通能力都唔差,不過一旦眼瞓或者肚餓便會失去溝通能力,佢又話「兩溝」係阿藍奕邦年前作品,而為咗今次「兩溝」主題,MV背景大部份以紅色為主色,並用咗過百個呼拉圈砌成一個生命之花形狀,加添一份詭秘氣氛!

關注我們Facebook專頁
    相關新聞
      更多瀏覽