【演唱會照常】紅館塌台! 蔡一智受傷缺席林敏驄作品展
2017年06月09日18:52

林敏驄星期五晚喺紅館舉行《今天星光閃閃時日如飛林敏驄35年腦交戰作品展演唱會》,但下午五時半左右,草蜢喺度綵排,期間突然成個舞台塌下,多人受傷送院!

據現場消息指,現場油壓台突然倒塌,草蜢連同舞蹈員齊齊跌落台,更一度有傳蔡一智傷及尾龍骨,而蔡一傑就擦損。事件造成最少十幾人受傷!

主辦單位公關接受訪問時話,舞台突然塌下嘅原因係機件故障,圓形升降台側埋一邊,亦有兩位女舞蹈員受傷。問到草蜢有冇事?主辦方話當時草蜢喺台上綵排,不過佢哋冇事:「今晚會如常演出,成個騷陣間都會照常舉行。」除咗草蜢之外,古巨基亦係當晚嘉賓。

至於林珊珊接受報章訪問時話,蔡一智「pat pat」有啲痛,但好彩冇事,亦到已經返咗屋企:「佢今晚唔會表演,已經報平安,冇事冇事。多謝大家關心。」

關注我們Facebook專頁
    相關新聞
      更多瀏覽