德國主廚主理傳統德國菜 主菜 買一送一 好抵食@DINING娜
2017年05月16日14:14

(presented by Beerliner German Bar & Restaurant)

最近Dining娜試過一間德國餐廳,由德國主廚操刀,夠傳統又好味,最重要係週一至四主菜 買一送一 , size大大份,可以同朋友開心些牙,抵上加抵呀!

主菜 買一送一咪以為Beerliner 做主菜 買一送一 咁抵一定會偷功減料,Dining娜就試過真係無花無假,size 依然大大份,再加上德國主廚操刀,味道夠晒正宗,值得一試!

左)德式香腸拼盤配燒薯及酸椰菜 $228/(右)秘製德國鹹豬手配香滑薯蓉及酸椰菜 $218講起德國菜,又點少得著名嘅香腸同豬手。Beerliner 所採用嘅香腸都曾經喺國際大賽中榮獲殊榮,加上全部手工製造,無添加味精或防腐劑,兼且夠新鮮、肉味濃郁!

至於秘製德國鹹豬手,則先以鹽水浸煮一日,之後再加入各式蔬菜慢熬3小時,再放入烤爐高溫烤焗2小時而成。烤爐邊烤邊作360度轉動,令豬手受熱更均勻,加上有別於一般德國餐廳採取油炸方式製作,不但更健康,同時保持外皮鬆脆,肉質鮮嫩嘅口感,讚!

特式德國黑麥啤燒豬配薯仔粉糰及椰菜沙律 $218較少人識嘅黑麥啤燒豬,其實一樣好食,質感似葡國菜嘅燒乳豬,但口感更juicy~ 德國主廚JÖrn話店內肉類大部份來自奧地利,質素有保證。

黑森林風乾火腿、蘑菇、松子仁、芝麻菜及洋蔥脆薄餅 $145一班人開party亦係食pizza 嘅好時機,一人一件之餘仲有胃口試其他嘢!Dining娜就一向鍾意食薄批,夠香口,亦唔怕食完飽飽滯滯。德國薄餅比平日食嘅薄批更薄更脆,配搭味道似足Parma ham嘅黑森林風乾火腿,口感油潤又帶有鹹香!

新菜式登場Beerliner主打德國菜,口碑一向唔錯。為咗保持新鮮感,佢哋都會不時推出新菜式。

35安士香草燒連骨肉眼扒 $438 (限量供應)

當日JÖrn推介我一定要叫呢個限量供應嘅肉眼扒,因為用慢煮烹調,所以肉質更加鬆軟稔滑。雖然無買一送一優惠,但份量足夠3-4人,同行嘅食肉獸朋友們都話好滿足!

德式香草燒雞鎚配BBQ汁 $76惹味嘅BBQ汁,加上肉質鮮嫩嘅雞鎚,食起上嚟啖啖肉,女仔應該都好鍾意食!

特色拼盤 $226一大班朋友各有各喜好?拼盤就啱晒喇~ 份量足夠3-4人,包括燒豬手肉絲卷、德式啤酒漿炸鮮蝦、蘑菇酥盒、煙三文魚伴德國黑麥包及脆炸芝士肉丸,一啖一件,配埋德國啤酒,邊食邊飲,同好友吹下水,開開心心又一晚!

龍蝦汁意式燴飯 $175德國餐廳嘅意大利飯亦唔失禮,飯粒軟硬適中,吸收晒龍蝦汁、青口、鮮蝦及蟹肉等海鮮精華,口感creamy,而且鮮美濃郁!

德式甜點拼盤 $178完美嘅飯局又點可以少得豐富甜品作點綴~甜點拼盤可以滿足晒你3個願望!一次過食晒德式芝士餅、焗鮮蘋果卷及煎香脆德式厚班戟。Dining 娜就特別推薦德式芝士餅,係香港少有加入德國啤酒製作嘅芝士餅,夠晒特別!

Beerliner German Bar & Restaurant 分店及查詢電話:

朗豪坊 2972 0078

葵芳 2796 2203

黃埔 2254 6178

屯門 2904 6333

奧海城 2148 5388

*所有菜式另加一服務費

買一送一 優惠詳情:https://goo.gl/cgiyPK

相關文章:

愛得像一個獨身日本女人 @健吾

去旅行學潛水!! 亞洲5個「 潛水 」考牌好地方

京都新綠季節 散步提案@Mandy。京都進行式

關注我們Facebook專頁
    相關新聞
      更多瀏覽