【奇妙正式開台】《帶阿媽去旅行》打頭陣 司棋姐叫囡囡搵個伴
2017年05月15日07:00

奇妙電視星期日正式開台!打頭陣嘅係半小時開台特備節目《星匯奇妙77》,由黎燕珊、嚴崇天同李尚正主持,仲搵埋歐倩怡、何傲芝、陳倩揚、河國榮、鄭融、方健儀同曾美華等做嘉賓。

呢個節目其實係介紹番嚟緊奇妙電視有咩新節目,好似《帶阿媽去旅行》、《放試》、《香港有寶證》同自家製劇集及外購劇集等。何傲芝介紹自己新節目《何家姊妹何家餐》時,就話佢哋嚟會去林作屋企拍攝,何傲芝仲大爆林作淨係set頭set左半個鐘!

至於頭炮節目《帶阿媽去旅行》,就搵嚟李司棋同佢囡囡葉子青去日本福岡玩,原來司棋姐係未同過囡囡去旅行。不過,旅行第一日,因為子青有工作喺身,所以三十年冇去過日本嘅司棋姐,就自己走咗去唱K。

去到第二日,子青同司棋姐會合,司棋姐之後仲憶述同丈夫分開嘅過程,又話同子青有七年時間好少聯絡,仲話好想囡囡快啲搵番個伴!

關注我們Facebook專頁
    相關新聞
      更多瀏覽