同蒼井優似樣?網民:林嘉欣嘅笑容望太多會糖尿
2017年05月11日07:00

林嘉欣日前上載一張自己同蒼井優嘅組圖,二人擺嘅甫士、攝影角度同景物都非常相似,網民不禁驚歎原來二人都幾似樣,一樣又靚又有氣質!討論區近日亦有網民開Post,大讚林嘉欣係最有「港味」、最清麗脫俗嘅靚女,獲得不少人留言支持,更有人揚言林嘉欣嘅笑容唔可以望太多,怕會甜到有糖尿!又表示林嘉欣只係自己心目中嘅靚女第二名,因為第一名係笑緊嘅林嘉欣!又有人以Bruno Mars嘅《Just The Way You Are》其中一句歌詞形容林嘉欣嘅甜笑:「When you smile the whole world stops and stares for awhile」。

近日林嘉欣又頻頻上載早前去巴黎嘅靚相,就連冇運嚟香港展出、出晒名好多人圍觀嘅名畫《蒙娜麗莎》,都畀佢攝到位埋去影相!原來身為法國五月大使嘅佢,,獲羅浮宮邀請,當日特別為佢閉館一個鐘,拍攝暢通無阻之餘更可以任意欣賞名畫!

關注我們Facebook專頁
    相關新聞
      更多瀏覽