加人工回巢舊拍檔興奮 麥包:對家人最緊要放低面子
2017年05月11日07:00

昨(10日)麥長青(麥包)、江美儀、滕麗名出席慈善活動,講到麥包離開無綫半年,最近又獲余詠珊邀請回巢簽部頭約,仲有人工加,暫時會做主持工作。江、滕二人都對此感到開心,話終於等到麥包返嚟,希望有機會再一齊拍《屋邨遊樂團》。

目前麥包已確定會同江美儀會主持全新節目《關你家事》,探討家庭問題。身為一子一女之父,麥包對於教仔都有一套心得,佢認為錯要認,打要企定!最重要係有時要放低面子,咁先可以解開心結,融洽相處。

關注我們Facebook專頁
    相關新聞
      更多瀏覽