【I Go To Work By】每月慳$200!打工仔醒目用 港鐵優惠 !買月票無限搭+嘟兩蚊機
2017年05月08日22:16

香港不少打工仔每天都要跨區上班,交通費佔生活費一大部分。當中不少人依靠鐵路上班,可惜港鐵車資常常加,壞車等事故卻愈見頻繁。每日逼住要搭,惟有用盡每一項優惠,慳盡每一蚊,才令自己條氣順番。記者交通L今次爲大家找來多項 港鐵優惠 ,教你如何一個月多慳$200!

撰文:交通L Keith |圖片:Keith、港鐵、「港鐵故障消息」

超方便 幫你計埋!「港鐵故障消息」網站

大多依靠鐵路運輸的市民最怕就是跨區上班,因為交通費極貴,以新界西居民為例,要前往觀塘沿線上班,單程就已經$20多元,每日一出一入就嘟了$40。而住港島要過海上班,像記者由中環到觀塘亦要$14.5,來回已經三十大元。其實只要好好運用港鐵月票,就可月慳近$200。而以下這個網站可以幫你計埋使用月票可節省多少,超級方便。

即時顯示最合用的是屯門南昌全月通,更顯示到節省了幾多錢。
除了最合適的月票外,更會顯示不合用的作參考,非常詳細。

究竟點樣可以用盡優惠,記者即為大家揀來3條路線,從中教大家配合使用不同的港鐵優惠票,包括全月通、都會票、75折轉乘優惠,再加埋嘟$2優惠站,慳到最盡!

新界西居民 要用全月通

全月通暫時有五款,全部都可無限次任搭指定車站。路線例子一 :屯門-九龍灣

首先以堅毅民族新界西人作參考實例,看看全月通如何抵用。

由屯門到九龍灣上班,建議買$500的屯門-南昌全月通。可於一個月內無限次來往屯門至南昌各西鐵站。以每月20天上班計算,來回車程共40次,得出由屯門至南昌每程$12.5,比八達通價$16.2平。而由於是無限次數,所以搭得越多越平,如每日都使用,每程更只是$8.3。

全月通是港鐵的月票,可以一個月內在指定車站任用。如「屯門南昌全月通」就可任搭屯門至南昌站。

經計算後,由屯門至南昌一程,如每月搭40次,使用全月通比直接用八達通平近$4。繼續搭另有75折

更吸引的是,由轉車站(南昌)再連接其他車站的車程,可享75折。所以由南昌至九龍灣,只需付$8.2 X 0.75 =$6.1。由屯門-九龍灣的去程是$12.5+$6.1=$18.6,比直接使用八達通的$23便宜得多。

這張全月通只適用於屯門至南昌,南昌往後的車程要額外計算,但仍可有75折優惠。

所以今次示範的路線,原價$8.2可得75折至$6.1。

回程同上,如再嘟埋九龍灣$2優惠站,一個月可再慳$40!不過$2優惠站較遠離港鐵站,比較適合在Mega Box一帶上班的打工仔。

計畀你睇!每月慳$216:

使用優惠前:$23(八達通) x 2 (來回兩程)x 20(上班20天)=$920

使用優惠後:$500(全月通)+$6.1(連接車程)x 2 x 20=$744

再使用$2優惠站:$2 x 20=$40

每月可慳: $920 – $744-$40 = $216

最後計算得出,最多每月可慳到$200,大家記得盡用優惠吧。市區過海超過$10.7 必用都會票路線例子二:中環-觀塘

如果上班要過海,而車費高於$10.7,就買都會票吧!因為都會票售$425,可以30天內使用40程。若用了都會票,每月上班20天,每天來回兩程。除開一程$10.6,所以像記者由中環到觀塘就要$14.2,用都會票每程平3元,月慳$143。

都會票的壞處是不能增值入八達通,要額外拿多一張卡,唔知係咪搏大家唔記得拿出來嘟?

三大地鐵傳統紅藍綠線都可使用都會票。

計畀你睇!每月慳$143

使用優惠前:$14.2(八達通) x 2 (來回兩程)x 20(上班20天)=$568

使用優惠後:$425(即都會票售價)

每月可慳: $568 – $425 = $143

行多十五分鐘 嘟機減兩蚊

港鐵現有的優惠有上述的都會票及全月通,以及晨早75折及回程9折。不過說到最實用的,還是全港近30多部、人人都用得,一嘟搭地鐵即減$2的$2優惠站。可惜它們大多離港鐵站較遠,只適合優惠機附近上班族使用。但若果使用得宜,一個月慳多$80不是夢。

路線例子三: 東涌-九龍灣

這個方法去程回程都用盡了$2優惠機,故一個月可以慳了$2 x 2(來回) x 20(上班20天)=$80。是由《我要搭盡港鐵》作者梁桂江親身示範,但比較極端,而且要走很多路,少點恒心也難實行。

《我要搭盡港鐵》是本港鐵攻略,作者詳細解釋優惠機制及方法。$80 各大書局有售

計畀你睇!每月慳$253:

東涌-南昌首先購買東涌-南昌全月通$395,去程由東涌出發,在青衣先下車出閘(由於用了全月通不用扣錢),到青衣市政大廈$2優惠站嘟卡,繼續車程到九龍灣。

回程則先在九龍灣入閘前到企業廣場嘟$2 優惠站,再繼續行程到東涌。

使用優惠前:$20.3(八達通單程) x 2(來回兩程) x 20 (上班20天)=$812

使用優惠後:$395(全月通)+[$8.2 x 0.75(連接站75折) -$2(優惠站) x 2(來回兩程) x 20 (上班20天)]=$559

以打工仔每月返20日工計,即每月慳:$812-$559= $253

$2優惠站位置詳情

港鐵附例 隨時中招 開聲煲劇罰$2,000!

相關文章:

自由定價 睇戲 新概念@JETSO文

日本主婦綜藝節目精選!!! 30款非品牌主打的MUJI 無印好物

中國國產 C919 大飛機有咩特別?@ Mr. Pilot

關注我們Facebook專頁
    相關新聞
      更多瀏覽