《不懂撒嬌》泳裝大戰 唐詩詠 VS 高海寧
2017年05月08日15:02

無綫首套4K劇《不懂撒嬌的女人》播出以來口碑不俗,除了多年後回歸的林文龍、宣萱繼續保持高水準演出外,劇中又有多位來自中港台的美女,靚樣身材非常吸睛!日前劇集先有 唐詩詠 晒三點式益觀眾,之後再有咪神高海寧上演「出水芙蓉」!嬌小港女大戰導彈內地佳麗,你鍾意邊個多啲?

唐詩詠 游背泳

早前劇情講到詩詠為了埋大老闆袁文傑身,特地去到對方常去的私人會所游泳池,趁大老闆游水時佢就喺旁邊游背泳進諫!呢一幕詩詠雖然仍在水中,不過已隱約見到其豐滿上圍同白滑長腿!

激罕三點式

上水後詩詠仲想同大老闆繼續傾,呢個時候觀眾就可以清楚睇晒佢全身!雖然詩詠一向嬌小纖瘦,不過着起三點式泳衣相當有睇頭,身材浮凸有緻,似乎推翻了孫慧雪話佢係A Cup港女的說法!可惜大老闆唔領情,仲叫保安唔好俾佢再入去!

雖然喺劇中被好姊妹取笑佢係A Cup港女的代表,不過現實中詩詠偶爾都會放下乖乖女形象,以性感造型亮相晒身材!

高Ling 出水芙蓉

詩詠激罕着泳衣但大老闆當佢冇到,之後就輪到高Ling出馬!劇情講到高Ling同樣去到袁文傑常去的私人會所泳池,不過就唔係單刀直入進諫,而係喺佢身邊上演一幕「出水芙蓉」!呢幕鏡頭維持了近十秒,高Ling輕潑秀髮,水花四濺,整個畫面非常養眼!

大老闆也著迷

「芙蓉」一出,大老闆袁文傑即時望到眼定定,仲話認得高Ling係公司員工。最後高Ling當然獲得向大老闆進諫的機會!但美中不足的是,高Ling唔似得詩詠又要游背泳、又要上水睇晒全身,觀眾未能欣賞在螢幕上欣賞其34D「胸」器,但大家都異口同聲讚影得高Ling好靚!

全文完

相關文章:

《射鵰英雄傳》 史上最索梅超風 米露

90後新黃蓉 李一桐 人氣急升 細數歷年經典黃蓉

陳柏宇 孖未婚妻英國晒幸福

關注我們Facebook專頁
    相關新聞
      更多瀏覽